دولتی رسمیلردن سلاموطندارگه آتی توتیلمسلیک شرطی بیلن ایتیشیچه، نورستان ولایتینینگ وانت وایگل تومنیده پیلوت سیز اوچقیچلر هجومی نتیچهسیده جنگری طالبلردن 8 تهسی هلاک بولگن.
اما نورستان ولایتی کینگش باشلیغی انجنیر سعدالله گه کوره، مذکور هجومده جمله بیش کیشی، 2 تینچ اهالی و 3 کیشی عصیانچی طالب هلاک بولگن.
سعدالله گه کوره، اولگن تینچ اهالیلردن بیری مولوی «قوس» ناملی آدم، بیرار پیت قوم قیینچیلیگی حل ایتیلیشی اوچون کینگش دفتریگه مراجعت قیلرکن.
اونگه کوره، وانت وایگل تومنیده مخابراتی ترماغلر ایش بیرمهیدی و علاقه قوریش نیتیده بولیب بیرکیشیگه قونغیراق قیلگن حالده، مخابراتی ترماغلر یخشی ایش بیرهدیگن باشقه محله دهگی کیشیلرگه قوشیلهدی. اونینگ ایتیشیچه، طالبلر هم تیلفونی علاقه قوریش اوچون محلدن، ایش بیرهدیگن باشقه ییرلرده باریب قیینچیلیکلرینی حل ایتهدیلر.
نورستان ولایتی کینگش باشلغینینگ ایتیشیچه، اوچقیچلر اوزهدفلرینی مخابراتی ترماغلر و سیمکارتلر آرقهلی اورغولیدیلر و شو اوچون هم طالبلربیلن قوشیمچه تینچ اهالی هلاک ایتیلگن.
سعداللهنینگ بیلدیریشیچه، اوتمیش تورت کوندن بویان پیلوتسیز اوچقیچ بیش مرته وانت وایگل تومنیده هجوم ایلتگن، نتیجهده 15 کیشی هلاک بولگن و بولردن ایکی تهسی تینچ اهالی ایکن.
نورستان ولایتینینگ وانت وایگل و کامدیش تومنلری طالبلر یوکسک شکلیده فعالیت قیلهدیگن محللردن حسابلنهدی. شو اوچون مذکورمحلنی قاچقیب- قورهب پیلوتسیز اوچقیچلر تامانیدن مذکور محل هدفگه آلینهدی.
ایتیلیشیچه، نورستاندهگی طالبلرآلدینگی ناملنگن والیسی هم وانت وایگل تومنیده پیلوتسیز اوچقیچلر هجومی عاقبتیده هلاک ایتیلگن.
