.jpg)
قیشلاق‌لر رواجلنتیریش وزیرلیگی 229 میلیون افغانی‌لیک 74 پروژه‌نی ایریم قیته قوریش و رواجلنتیریش کینگش‌لر بیلن امضالشدی. بو لایحه‌لر 149779 کیشی‌گه 80 مینگ کونگه قدر، دایمی شکلیده ایش زمینه‌سینی یره‌ته‌دی.
بو لایحه‌لردن 67 ته‌سی آسیا ترقیات بانکی و قالگن 7 پروژه ایسه افغانستان دولتی تامانیدن (10 فایزگه قدر) تمویل بوله‌دی.
بو لایحه‌لر بلخ، سمنگان، پنجشیر، غور، بامیان، لغمان، تخار، لوگر، پکتیا، جوزجان، کنر، نورستان، وردک، دایکندی و سرپل ولایت‌لریده عمل‌گه آشیریله‌دی.
قیشلاق‌لر رواجلنتریش وزیری نصیراحمد درانی‌نینگ خبری انجمن آلیب ایتیشیچه، مذکور وزیرلیک ملی برنامه‌لر بولیمی‌ده تینچ‌لیک اوچون ایش قیدیریش، قیشلاق‌لر یولینی توزه‌تیش، کیچیک توغانلر قوریش و 39 ولسوالیک‌ده کاناللر پاکلش ایشینی باشله‌گن.
.JPG)
جناب درانیگه کوره، «مذکور پروژه‌لر ایشی تیزلنتیریلیشی اوچون، بیلیم یورتلردن فراغت حاصل قیلگن برکمال یاشلردن 430 کیشی اوشبو ایش باشقریلیشی اوچون تعیین ایتیلیب اوتگن پنج‌شنبه کون ولایت‌لرگه یوباریلدیلر.»
درانی‌نینگ ایتیشیچه، قیشلاق‌لر رواجلنتیریش وزیرلیگی 389 میلیون دالر یوکسه‌تیش بودجه‌سیدن 274 میلیونی مصرف ایتیلگن. 70 فایزگه قریب بودجه‌نی اوزیگه آله‌دی.
شونینگ‌دیک قیشلاق‌لر رواجنتیریش وزیری‌نینگ ایتیشیچه، 12 ولایتده بو لایحه‌لر بیرینچی دوری تکمیل بولیشی بیلن 5 میلیون و 25 مینگ ایش کونی و 210 مینگ کیشی قیسقه مدتده ایشگه مصروف بوله‌دیلر.
قیشلاق‌لر یوکسه‌تیش وزیرلیگی‌نینگ بیرگن سانی اساسیده، بو وزیرلیک حاضرگه قدر 34 ولایتده 5192 یوکسه‌تیش لایحه‌سینی 136 میلیون دالر هزینه‌سی بیلن 10 بولیمده ایریم شرکت‌لر رواجلنتیریش کینگش‌لر بیلن قول قویگن.
