قندهار ولایتی‌نینگ صناعت و تجارت اتاغی‌نینگ مسووللری، ولایت‌نینگ تازه و قوروق میوه‌لر صادراتی اوتگن ییل‌گه نسبتن 31 فایز آشگن لیگینی ایتگن‌لر. اولر، اوشبو رقم سانی 45 فایزگه آشیشی اوچون امید بیلدیرگن‌لر.
قندهار ولایتی‌نینگ تجارت و صناعت اتاغی‌نینگ رییسی نصرالله زهیرنینگ سلام‌وطندارگه ایتیشیچه، یالغوز مذکور ولایت‌نینگ انجیر صادراتی 20 مینگ تُن‌گه ییتگن و جاری ییل پایانی‌گه قدر اوشبو انجیرلر پاکستان، هند، عرب امیرلیک بیرلشمه‌سی، آلمان، بریتانیا و باشقه مملکت‌لر بازاریگه ییتکزیله‌دی.
جناب زهیر، بو ییل قندهارلیک هر بیر سوداگر قوروق و تازه میوه صادر قیلیش دن 500مینگ دالر درآمد قیلگن‌لر.
شونینگ‌دیک قندهارلیک باغچی‌لر و ساتووچیلر جاری ییلده انجیر حاصلاتی سوداسی‌دن راضیلیک بیلدیرگن‌لر.
قندهار ولایتی‌نینگ سوداگرلریدن بیری ظاهرخان بازارده ایکی قسم انجیر تاپیله‌دی سریغ و قاره؛ لیکن قاره انجیرگه کوره سریغ انجیرنینگ بازاری یخشی دیر دیگن.
قندهار ایکینچی‌لیک فاکولته‌سی‌نینگ استادی همده ایکینچی‌لر باشلیغی عتیق‌الله نینگ سوزلریگه قره‌گنده، قندهارنینگ ایکی قسم سریغ و قاره انجیری شهرت قازانگن؛ اما سریغ انجیرنی بازاری ایسه یخشی لیکن قاره انجیرنینگ تیریسی نازوک‌لیگی سبب تیزلیکده ییش مقصدگه موافق.
ظاهرخانگه کوره، دولت انجیر و باشقه قوروق میوه افغانستانده باغله‌نیب دنیا بازارلریگه ییتکزیشلیشی اوچون زمینه یره‌تگن حالده، میوه همده انجنیر محصولات فایده‌سی بوندن هم کوپراق بوله‌دی. اونینگ سوزلریگه قره‌گنده، نابرقرارلیک، یوللر بوزقلیگی و میوه‌لرنی سقلش اوچون ساووتگیچ مرکزلری یوق لیگی قندهارلیک باغدارلرنینگ اساسی معماسی سنه‌له‌دی دیگن.
عتیق‌الله خان گه کوره، ایریم نا دولت اداره‌لر اهالی‌گه یالغوز انجیر کوچتی ترقه تیب یره بیره دی، حال بوکه باغدارلر اوزی بو ایش عهده‌سیدن چیقه‌دی. او، باغدارلر میوه لرنی ییغیش، قوریتیش، باغلش و دنیا بازارلریگه وقتیده‌ییتکزیش‌ده قیینچلیک‌لری بار دیگن.
باشقه تاماندن انجیرچی‌لرگه کوره، هیچ قندهی کومک قول‌گه کیریتمه‌گنلر و اوز قول‌لریده بولگن امکانیت‌دن فایده‌له‌نیب انجیرلرنی بازارگه ییتکزه دیلر.
قندهار ولایتی شاه‌ولی‌کوت ولسوال‌لیگی‌نینگ یشاووچی‌سی گل‌محمد سوزلریگه کوره، ولسوال‌لیک باغدارلریگه هلیگچه هیچ قندهی یاردم کورسه‌تیلمه‌گن. او، خانه‌دانی کومکی بیلن یخشی محصولات ییغیش‌گه موفق بولگن.
حاضر قندهارنینگ بازاریده بیر کیلو انجیر500 افغانی ساتیله‌دی. قندهار صناعت و تجارت اتاغی‌نینگ مسووللری، ولایت شاه‌ولی کوت منطقه‌لری‌نینگ انجیرلری ارزگان ولایتی قوشیمچه دنیا باراز لریگه ییتکزیله‌دی دیگن‌لر.
ایریم خصوصی بولیم‌لرگه یاتقیزیلگن سرمایه‌لرگه قره‌می، قندهار خلقی‌نینگ اساسی اقتصادی ایکینچی‌لیک آرقه‌لی تامین ایتیله‌دی.
