.jpg)
بوگون «دوشنبه» توشدن سونگ، ساعت 1 اطرافیده، کابل شهرینینگ دارالامان جاده سیده جایلشگن قیشلاقلرنی رواجلنتیریش وزیرلیگینینگ ایشلاوچیلری چیقهدیگن چاغیده، بیر خودکش هجومچی یانیده بولگن پارتلاوچی مادهنی پارتلتگن؛ اوشبو پارتلش نتیجهسیده، 12 کیشی هلاک و باشقه 31 کیشی یرهلنگن.
سلاموطندارگه صحبت بیرگن کابل پولیس قومندانلیگی سوزلاوچیسی حشمت استانکزینینگ ایتیشیچه، بوگون یوز بیرگن واقعهده هلاک ایتیلگنلر و یرهلنگنلر قیشلاقلرنی رواجلنتیریش وزیرلیگینینگ ایشلاوچیلری بولگن.
بیراق، سلاموطندارگه صحبت بیرگن ساغلیقنی سقلش وزیرلیگینی سوزلاوچیسی وحید مجروحنینگ ایتیشیچه، واقعه یوز بیرگن محلدن حاضرگچه کابل آمبولانس 12 جسد و 31 یرهدارنی کسلخانه گه انتقال بیرگن.
ساغلیقنی سقلش وزیرلیگی سوزلاوچیسینینگ کوپهیتیریشیچه، اوشبو واقعه قربانلری بوندن کوره کوپهییشی ممکن.
اوشبو هجوم مسؤولیتینی حاضرگچه هیچ بیر گروه بوینیگه آلمهگن.
