ماین پارتلهنیشیگه قربان بولگنلر دستکلاوچی نهادلرنینگ ایتیشیچه، حاضر هم افغانستان اوروش دوریدن قالگن پارتلمنهگن ماین و یول چیتیگه اورنهتیلگن ماینلر پارتلهنیشی اوچون قربانلیک بیرهدی.
«مایندن تاثیرلنگن افغانلر» ناملی موسسه باشلیغی اسلامالدین محمدی نینگ ایتیشیچه، ۲۰۱۳-ییلگه قرهگنده ۲۰۱۴-ییلده اوروش دورانیدن قالگن ماینلرگه قربان بولگنلر سانی ۲۳ فایز آشگن.
ییرده قالگن ماینلرگه قرشی بیرگه لیک کمپاین ییللیک گزارشیگه قرهگنده، افغانستانده ۵۷۵ حربی و تینچ اهالی ۲۰۱۴-ییلده هلاک و ۷۲۱ کیشی تن جراحتی آلگن. بولر ارا ایکی ماین پاک هلاک و باشقه ۱۴ اورتاقی یرهلنگن.
افغانستانده ماین پاکلرنی نیچه ییلدن بیری قیلیب کیلهدیگن تلاشلری بیلن حاضرهم اولکه توپراغیدن ۲۰ فایزی اوروش دهه سیدهگی کومیلگن ماینلر و پارتلمنهگن یول چیکه سیدهگی ماینلربیلن قالگن. شو سونگیده، ایکی کون آلدین (سهشنبه) کابل شهری ۱۳- حوزهسیده، بیر اوق اوچی پارتلهنیشی بیلن ۸ باله هلاک و باشقه ایکی باله ایسه تن جراحتی آلدی.
ایش و اجتماع وزیرلیگی نینگ شهیدلر و ناگرانلر معینی جمیله افغانی اوروش دورانیدن قالگن ماینلر حاضرهم قربانلیک آلیشیدن خواطر بیلدیریب، باید دولت تینج اهالی اولیش آلدینی آلیشی اوچون مهم لایحهلرنی قولگه آلسه دیگن.
ماین پاک قیلهدیگن دفترلر رسمیلری، اوروش دورهسیدن قالگن و جنگریلر تامانیدن یول چیکه سیگه اورنهتیلگن ماین پاک بولمهگنلیگی، بولر ایشلرینی قیینچیلیک بیلن روپهره قیلگن دیگن. بولر دولتدن ماین پاک بولیشی تیزلشتیریلیشی اوچون انیق یوللرنی کوزگه توتیشینی ایستیدیلر. شونینگدیک ماین پارتلهنیشیگه قربان بولگنلر دستکلاوچی نهادلرمسؤوللری، باید دولت بو ناگرانلرگه جسمی و روحی کوچ بیریش اوچون ایریم اقتصادی، سیاسی و اجتماعی بولیملرده قوشیلسهلر دیگن.
