تومنلر امنیتیدن نظارت قیلیش باشلنغیچ فکر اورگهنیش نتیجهسیده، اولکه یشاوچیلریدن ۶۵ فایزی حاضرگی امنیتدن راضی ایکن، ۸۰ فایزی پولیس کوچلریگه ایشانهدی و ۸۹ فایزی ایسه بولرنینگ قیلمیشیدن راضی دیرلر.
بو فکر اورگهنیش ۷۴۵۸ کیشی بیلن هرات ولایتی نینگ ۱۵ تومنی، پنجشیر، بلخ، بامیان، کابل، کاپیسا، پروان و ننگرهار ولایتلریدن قتنشگن اهالی، امنت و پولیس کوچلری قیلمیشلری بارهسیده سورهلگن سوراقلرگه جواب بیرگنلر. بولردن ۷۸ فایزینی کیکسه یاشلیکلر و ۲۳ فایزینی بالهلر تشکیل بیرگن.
بو فکر اورگهنیش اوچ آینی اوزیگه آلیب ( ۲۰۱۵- ییل مارچ آیدن ۱۰- اپریل) گه قدر تکمیل بولگن.
بو فکر اورگهنیشگه کیلیشیچه، اشتراکچیلردن ۹۱ فایزی جامعه یختیلیک تامان کیتیشگه ایشانچلری بار. بولرنینگ ۹۲ فایزی پولیس قیلمیشیدن رضایت کورستگن و ۹۳ فایزی ایسه پولیسنینگ بارلیگینی ضرور دیگن. شونینگدیک اشتراک ایتگن بالهلردن ۵۹.۵ فایزی کیلهجکده پولیس بولیشلرینی بیلدیرگن.
بولردن ۳۰ فایزی سیاسی ثباتسیزلیکنی و ۲۰ فایزی هم پولیس نینگ ظرفیتسیزلیگینی منطقهلریده ناتینچلیکلر ایریک دلیلی دیگنلر.
منطقهلریده تینچلیک برقرار بولگن اشتراکچیلردن ۷۵ فایزی اوینی و ۴۹.۶ فایزی اویدن تشقرینی، ۵۵.۹ فایزی کوندوز کونی و ۳۳.۵ فایزی هم کیچهنی ایش و سیاحتگه سیلهگنلر.
بو فکر اورگهنیش اشتراکچیلریدن ۵۴۷۶ (۷۳.۴٪) پولیس ایشلریدن فایده لنمهگن و بولردن ۱۸۸۳ کیشی (۲۵.۲) بولر خدمتیدن فایدهلنگن. بولردن ۴۶.۵ فایزی بوخدماتلردن راضی و ۳ فایزی ناراضیلیکلرینی بیلدیرگن.
بوگون ایچکی ایشلر وزیری نورالحق علومی بو فکر اورگهنیش کنفرانسیده پولیس کوچلری نینگ مسلکی قیلیش بولیمیده بولگن تلاشلرنی قانیقتررلی ایمسلیگینی بیلدیریب، حاضرهم پولیس کوچلری اولکه داشلیک حقوقی و مسؤولیتلری بارهسیده معلوماتلری کافی ایمس دیدی.
ایچکی ایشلر وزیری نینگ کوپهیتیریشیچه، اولکه داشلرگه یخشی خدمات ارایه قیلیش بارهسیده باید پولیس کوچلری طرفسیز و غیر سیاسی یاندهشسهلر.
تومنلر امنیتی بارهسیده باشلنغیچ فکر اورگهنیش برنامهسی ملتلر بیرلشمه یاردملر یوکسهتیش (UNDP) ادارهسی و افغانستان قانون حاکمیتی صندوقی (LORFA) تامانیدن تمویل بولگن.
اوشندهیکه بو گزارش اهالینینگ پولیس کوچلری قیلمیشیدن راضیلیکلرینی کورستگن، اما بو فکر اورگهنیش تینچ منطقهلرده بولیب اوتگن و حاضرهم بوکوچلر ناقولی کیلیشیکلری و یشاوچیلر حقوقیدن خبرسیزلیکلری ایریک جنجنلردن سنلهدی.
