زابل ولایتی محلی رسمی‌لری، مذکور ولایت مرکزی ناورکِ قلات قیشلاغی‌گه تیگیشلی منطقه‌ده آزمه کوپ 20 یولاوچی اوغیرلنگنیدن خبر بیرگن.
زابل ولایتی کینگش کاتبی اسدالله کاکرنینگ ایتیشیچه، اوغیرلنگن یولاوچی‌لر رقمی 14 الی 20 کیشی بولگن.
زابل والیسی سوزلاوچیسی گل‌اسلام سیال‌نینگ سلام‌وطندارگه ایتیشیچه، اوشبو یولاوچی‌لر بوگون (شنبه) ایرته‌لب کابل‌دن قندهار تامان کیته‌یاتگن چاغیده اوغیرلنگن.
جناب سیال‌نینگ ایتیشیچه، حاضرگچه یولاوچی‌لر رقمی و اوغیری‌لر کیم‌لیگی بیللی ایمس. اونگه کوره، زابل ولایتی محلی رسمی‌لری، مذکور یولاوچی‌لر اوزاق ییرگه انتقال بیریلیشی‌دن آلدین، قوییب یوباریلیشی‌گه زمینه یره‌تیش خصوصیده، سعی و حرکت قیله‌دی.
بو زابل ولایتی‌ده اوتکن ییل حوت آیی‌نینگ 4 دن بویان نیچینچی قضیه دیر. اوشه کونده داعش گروهی‌گه تیگیشلی کیشی‌لر 31 یولاوچی‌نی قومی کیم لیک‌لری بارعث، زابل ولایتی شاه جوی تومنی کابل-قندهار قتناو یولی‌دن اوغیرلگن.
داعش گروهی‌گه تیگیشلی کیشی‌لر 17- عقرب، بیر قیز باله، ایکی عیال و تورت ایرکک شامل 7 یولاوچی‌نینگ زابل‌ده باشینی کیسدی. اوشبو واقعه افغانستان و باشقه مملکت‌لرده کینگ قرشی‌لیک‌لر و افغانستان تاریخی‌ده تکرارسیز شکلده بوتون خلق تامانیدن کینگ ناراضیلیک نمایش اوتکزیلیشی‌گه سبب بولدی.
