افغانستان بوییچه ناتو کوچلری نینگ قومندانی جنرال اسکات میلر نینگ ایتیشیچه، حاضر زوروانلیکلر میزانی نی کمهیتیریش و تینچلیک اوچون سیاسی بیر یول ایجاد ایتیلیشی نینگ وقتی کیلگن.
میلر بوگون (سهشنبه ۲۸- اسد) توییترده بیر ویدیویی پیام آرقهلی افغانستان ایرکینلیگی نینگ ۱۰۱- ییللیگی نی تبریکلب ایتیشیچه، ناتو افغانستان امنیتی کوچلری نینگ یانیده تورهدی.
جنرال میلر نینگ ایتیشیچه: «بیزلر سیزلرنینگ امنیتی کوچلرینگیزنی یانیده تورگنمیز، چونکه اولر افغانستان ده تینچلیک نی تضمین قیلهدی. حاضر زوروانلیکلر میزانی کمهیتیرلیشی و تینچلیک تامان سیاسی بیر یول آچیلیشی نی وقتی دیر.»
شونینگدیک افغانستان ده ناتو نینگ ملکی نمایندهسی ستیفانو پونتیکورو، افغانستان ایرکینلیگی نینگ ۱۰۱- ییللیگی نی تبریکلب و امنیت برقرار ایتیلیشی گه امنیتی کوچلرنینگ نقشیدن تقدیر قیلگن.
عین حالده، افغانستان ده اروپا بیرلیگی نینگ نمایندهسی رولان کوبیا، افغانستان ایرکینلیگی مناسبتی بیلن کابل شهریدهگی موشکی هجوملرنی قارهلگن.
کوبیا نینگ ایتیشیچه: «بوندهی هجوملر تینچلیک توغریسیدهگی سعی و حرکتلریزگه توسیق بولمهیدی.»
بوگون (سهشنبه ۲۸- اسد) ایرتهلب افغانستان ایرکینلیگی نینگ ۱۰۱- ییللیگیدن نشانلهنیش بیر حالده، کابل شهری نینگ ایریم بولیمی ۱۴ موشک نینگ اصابتی گه شاهد بولدی.
ایچکی ایشلر وزیرلیگی نینگ ایتیشیچه، مذکور موشکلر ۱-، ۲-، ۱۰-، ۹- و ۱۶- حوزهسیدهگی یشش اویلرگه اصابت قیلگن کیم نتیجهده، ۴ باله و ۱ عیال شامل ۱۰ کیشی یرهلنگن.
شونینگدیک منطقه و دنیا رهبرلریدن قطاری پیام ترقهتیش بیلن افغانستان ایرکینلیگی نینگ ۱۰۱- ییللیگی نی تبریکلهگن.
