افغانستان نمایندهلر مجلسینینگ قطار اعضالری نمایندهلر بیر قطارینی فسادگه عیبلب، نیچه مرته وزیرلر چقیرتیریلیشی همده جوابگرلیککه تارتیلیشی اوچون نتیجهگه ایریشگنلر، اما وزیر چقیریلگندن سونگ ییغین نامعلوم نتیجه بیلن اوز پایانیگه ییتگنلیگینی ایتگنلر.
نمایندهلر مجلس اعضالریدن بیری عبدالرحیم ایوبی مجلس اعضالرینی بوندهی قیلمیشلری وزیرلرنی چقیرتیریش همده جوابگرلیککه تارتیش اوچون جیم توریشلری اورتهده پارهخورلیک موجودلیگینی کورستهدی دیگن. جناب ایوبی، ایریم نمایندهلر پاره آلگنلیکلریگه اوزی گواه بولگنلیگینی ایتگن.
عین حالده، باشقه نمایندهلرنینگ جناب ایوبی سوزلری توغریسیده ایتیشیچه، بوندهی فکر بیلدیریشلر نمایندهلر مجلسی بدنام بولیشیگه باعث بولهدی.
مجلس اعضالریدن باشقه بیری حفیظ منصورنینگ سوزلریگه کوره، نیچه مرته نمایدهلر عیبلنگنلر، لیکن هنوزگچه اولرنینگ آتینی تیلگه آلیش اوچون هیچ کیم جرئت قیلمهگن. او، عبدالرحیم ایوبیدن ادعاسینی اثباتلاووچی حجت بیلن ثابت قیلیشنی سورهگن.
مجلس رییسی عبدالرووف ابراهیمی، جناب ایوبیدن پارلمان اعضالری پارهخورلیگی توغریسیده بولگن ادعانی اثباتلاووچی حجت چیقاریشنی سورهگن. جناب ابراهیمی حجت ارایه ایتیلگن حالده، بو توغریده مجلس قرار قبول قیلهدی دیگن.
ایوبی اوشبو سوراقلرگه جواب بیریش بیلن مجلسنینگ کیلگوسی عمومی ییغینیده قسم ایچیش بیلن فسادگه بولغگن نمایندهلر اسمینی فاش ایتیشنی بیلدیرگن.
بوندن آلدین هم نمایندهلر ایریم همکارلرینی امتیاز آلیشگه عیبلهگن ایدی. نمایندهلر حکومتنینگ ایریم بلند مرتبهلی رسمیلری اوز نیتلریگه ایریشیش اوچون پارلمان اعضالریگه باسیم اوتکزهدیلردیگن.
بیرینچی مرته سابق مالیه وزیری عمرزاخیلوال نمایندهلر مجلسیگه جواب بیرهدیگنده سمیعالله صمیم، ظاهر قدیر ولالی احمدزیلرنی قاچاق و وزیرلیکدن ناقانونی ایستکلری بولگنلیگینی فاش قیلگن ایدی.
شونینگدیک نیچه وقتدن سونگ سابق ایچکی ایشلر وزیری مجتبی پتگن نمایندهلر مجلس اعضالری قطارینی پارهخورلیککه عیبلهگن ایدی، اما، هنوزگچه هم نمایندهلرنی فسادگه قولی بارلیگینی اثباتلاووچی حجت مجلسگه ارایه ایتیلمهگن.
