جمهور رییس سوزلاوچیسی اورین باسری ظفر هاشمینینگ سلاموطندارگه ایتیشیچه، بو بیر کونلیک سفرده جناب غنی قزاقستان جمهور رییسی و صدر اعظمی بیلن اوچره شو اوتکزگن. جناب هاشمیگه کوره، ایکی اولکه ارا بو اوچره شووده ایکی کیلیشیک و بیر کیلیشوو امضا قیلینگن.
جمهور رییس سوزلاوچیسی اورین باسرینینگ ایتیشیچه، جناب غنی قزاقستانده قیلگن سفری آقیمیده، قزاقستان بیلیم یورتلریدن بیریگه باریب طلبهلر حضوریده سوزگه چیقهدی. شونینگدیک جمهور رییس افغانستان و قزاقستان سوداگرلرینی اورته آسیا اولکهلریده سوداگرلیک علاقهلری یوکسلیشی اوچون سوزلشگن.
سیاسی ایش بیلرمانلردن فدامحمد نظرینینگ جمهور رییسنی قزاقستانده قیلگن سفری بارهسیده سلاموطندارگه قیلگن صحبتیده، اورتاقلی علاقه قوریش اینیقسه اورته آسیا اولکهلری بیلن اقتصادی علاقه قوریشلر افغانستان نفعگه دیب بیلهدی، نیگه کی؛ بو اولکهلر افغانستانده سیاسی و اقتصادی برقرارلیک بولیشنی ایستیدلر. جناب نظریگه کوره، قزاقستان یخشی حکومتدارلیک و فسادگه قرشی کورهشیش اوچون افغانستان بیلن یخشی یاردمچی بولهدیگن اولکهلردن بولیش امکانیتی بار. نیگه کی؛ قزاقستانده اداری فساد قویی سطحده کورینمهیدی و بو اوچون افغانستان قیله آلهدی فسادگه قرشی کورهشیش و یخشی حکومتدارلیک بارهسیده استفاده قیله آلهدی.
قزاقستان اوتمیش ۱۴ ییلده افغانستانگه ایریم بولیملرده یاردملیک قیلگن و صناعت بولیمی نینگ مالی و تخنیکی ساحهسیده و بنایی ایشلر اوچون کوپلب یاردم کورستگن. شوحاضر هم افغانستانلیک طلبهلردن یوزلرچهسی بو اولکهده اورگهنیش اوچون مصروفلر و شو یقین پیتده افغانستانلیک طلبهلر تمانیدن بوییرده افغانستان فرهنگی مرکزی نامیده بیر نهاد ایجاد ایتیلدی.
