بغلان ولایتی معارف ریاستیده بیر منبعنینگ ایتیشیچه، طالبلر گروهی ینگی بیرحرکتده مذکور ولایت دندغوری منطقهسیده، «مدنی تعلیمات و مدنی» مضمونلرنی اوشبو منطقه مکتبلری درسیدن چیقارگن.
مذکور منبع آتی فاش ایتیلیشینی ایستمهی ایتیشیچه، بو حرکت طالبلر گروهی دینی علوم کمیسیونی تامانیدن عملگه آشیریلگن.
بغلان ولایتی معارف ریاستی ملازمیگه کوره، طالبلر نیچه کون آلدین دندغوری مکتبلری مدیرلرینینگ آگاهلنتیریب، بو مکتبلر اوقوتووچیلری حاضر بولمهگن صورتده، اولرنی وظیفهسیدن چیقاریشینی ایتکن.
مذکور ولایت معارف ریاستی رسمیلری بوندن آلدین، طالبلر دندغوری منطقهسیدهگی مکتبلر بناسیدن حربی قرارگاه صفتیده ایش آلیشلرینی ایتکن ایدی.
طالبلرنینگ بو حرکتی، بغلان ولایتی کینگشی اعضالریگه کوره، حکومت سونگی کونلرده، مذکور ولایت مرکزی پلخمریگه یقین دندغوری منطقهسینی بیر کیلیشوو ارا طالبلرگه قوییب یوبارگن چاغده یوزبیرگن.
بیراق، چیگرهلر وزیری گلاب منگل، اوتکن هفته امنیتی وضعیتنی تیکشیریش خصوصیده بغلان ولایتیگه باریب و اوشبو کیلیشووگه قول قویگنلردن بیری بولگن. ایتیلیشیچه، بو کیلیشووگه طالبلر بیلن ایمس، بلکیم دندغور منطقهسی قوم بویوکلری اورتهسیده قول قوییلگن.
گزارشلرگه کوره، اوشبو 9 مادهلیک کیلیشوونی بیر مادهسیگه اساس، دولت مذکور منطقهده حربی عملیات اوتکزهآلمهیدی.
بیراق، جناب منگلگه کوره، دندغوری قوم بویوکلری، اوشبو منطقهدن امنیتی کوچلرگه قرشی طالبلرنینگ هجومیگه توسیق بولیش خصوصیده سوزبیرگن.
طالبلر کمیده ایکی هفته آلدین، شوندهی بیرحرکتنی هرات ولایتی شیندند تومنیده عملگه آشیرگن. اولر مذکور تومن معارف مدیریتی رسمیلریگه «تمدن و مدنیت» مضمونلرینی حذف ایتیب، جاییده دینی مضمونلرنی کوپهیتیریشگه بویروغ بیرگن ایدی.
