.jpg)
قیصار تومنینی ولسوالی رحمتالله قیصارینینگ سلاموطندارگه ایتیشیچه، طالبان جنگریلری اوتگن کیچه اوشبو تومن «ارکلیک» منطقهسیده امنیتی پوستهلر اوستیگه هجوم قیلیب نتیجهده، امنیتی کوچلر پوستهلریدن 4 تهسی طالبلر قولیگه سقوط قیلگن. جناب قیصاریگه کوره، بو واقعهده ملی اردو کوچلریدن 16 تهسی و مردمی کوچلردن 6 تهسی هلاک ایتیلیب و شونینگدیک امنیتی کوچلردن باشقه 10 تهسی یرهلنگن دیر.
جناب قیصاری نینگ کوپهیتیریشیچه، مذکور عسکرلرنی قوتقریش اوچون امنیتی مسووللر دقت قیلمهگن.
قیصار تومنینینگ ولسوالیگه کوره، آتیشمهده طالبان جنگریلریدن 35 تهسی هلاک ایتیلیب و باشقه 15 یرهلنگن.
فاریاب ولایتی کینگش باشلیغی طاهر رحمانی نینگ مرکزی حکومتدن تنقید قیلیب ایتیشیچه، 6 آیدن بویان قیصار تومنیده اوروشنی دوامی بار و بو مدتده امنیتی کوچلردن کمیده 300 تهسی هلاک ایتیلگن.
عینحالده، 209 شاهین قول اردو قومندانلیگینی بیرینچی لوا سوزلاوچیسی احمدجواد نینگ ایتیشیچه، طالبان جنگریلری تامانیدن بوتون یوللرگه ماین جایلشتیریلگنی باعث، امنیتی کوچلر ترقاقلشگنلر.
اونینگ کوپهیتیریشیچه، حاضرگهقدر تلفات ارقامی بیللی ایمس.
طالبان گروهی حاضرگهقدر بوتوغریده میدیالر بیلن صحبت قیلمهگن.
«ارکلیک» قیصار مرکزی نینگ 8 کیلومترلیگیده قرار تاپیب و راهبردی منطقهلردن حسابلنهدی.
