لوگر ولایتی معارف ادارهسی قیزلرگه تیگیشلی اوچ مدرسه و 25 مکتبنینگ ایشیگی اوقوچیلر یوزیگه آچیلگنی بارهسیده خبر بیرگنلر. مذکور اوقیش درگاهلری بوندن بیش آیدن بیری ترورچیلیک فعالیتلر سبب اوقووچیلر یوزیگه یاپیب قوییلگن.
اوشبو مکتب و مدرسهلر پلعلم، برهکی برک، خوشی و محمد آغه ولسواللیکلریگه تیگیلشی بولگن. مذکور بیلیم درگاهلری ولایتنینگ دین عالملری، قوم بویوکلری و محلی بلند مرتبهلی رسمیلری تشبثی نتیجهسیده دوباره اوقووچیلر یوزیگه آچیگنی ایتیلهدی.
ولایت معارف ادارهسینینگ باشلیغی محمداکبر استانکزینینگ سلاموطندارگه بیلدیریشیچه، یالغوز بوگوننی اوزیده چمهسی اوچ مینگ قیز اوقووچی قیتهدن مکتب بارگن و حاضر ایسه اولرنی هیچ قندهی خطر تهیدی قیلمیدی.
ولایت والیسیگه اساسلب سوزلهگن والی سوزلاوچیسی محمدسلیم صالح، اورگه تیش و اورگهنیش درگاهلری حربی و سیاسی فعالیتلر قیلیش مکانی ایمس و بو مکانلر ایسه اهالی و دولتنینگ اویی دیگن. جناب صالحگه کوره، هیچ کیم مکتبلر ایشیگینی باغلش حقیگه ایگه ایمس، مکتب ایشیگی یاپیلیشی فرزندلر یوزیگه اوی ایشیگی باغلنیش معنی سیده دیگن. او، افغان ملی کوچلریدن ولایت بولیب قیزلر مکتبی امنیتی تامین ایتیلیشی سورهلگن دیگن.
لیکن لوگر یشاووچیلری نینگ سوزلریگه قرهگنده تعلیمی ییل اوز پایانیگه ییتگن، مکتبلر ایشیگی آچیلیشی ایندی سیره هم منفعت کیلترمیدی. شونینگدیک رسمیلر اولر محلی طالبلردن بوندن بویان قیز اوقووچیلرگه توسیق بولمس لیکنی طلب قیلگنلر.
