میدان وردک ولایتی محلی رسمی‌لری‌نینگ ایتیشیچه، طالب‌لر بوگون (دوشنبه) ایرته‌لب 7 یولاوچی‌نی، مذکور ولایت جلریز تومنی کابل- بامیان قتناو یولی‌دن اوغیرلگن.
جلریز ولسوالی نقیب‌الله حیدری‌نینگ سلام‌وطندارگه ایتیشیچه، طالب‌لر جلریز تومنی اسماعیل خیل منطقه‌سیده قرارگاه توزه‌تگن و بو یولاوچیلرنی، اوشبو قرارگاه ده موتردن توشیریب، اوزلری بیلن آلیب کیتگن.
اونگه کوره، مذکور یولاوچی‌لردن 4 ته‌سی آقسقال‌لر واسطه‌چیلیگی بیلن بوگون توشدن کیین، قوییب یوباریلگن.
جناب حیدری‌نینگ ایتیشیچه، قوم بویوک‌لری مذکور یولاوچیلرنی باشقه 3 ته‌سی تیزلیک‌ده قوییب یوباریلیشی خصوصیده سعی و حرکت قیله‌دی.
طالب‌لر نیچه مرته جلریز تومنی کابل- بامیان قتناو یولی‌ده یولاوچیلرنی گروگه آلگن. اوشبو تومن جاری ییل باشیده محلی پولیس بیلن طالب‌لر اورته‌سیده یوزبیرگن قانلی توقنه‌شوولرگه گواه بولگن.
طالب‌لر گروهی بوندن آلدین هم، بامیان محلی اداره ایشچیلریدن بیرقطاری‌نی اوشبو یول‌دن اوغیرلگن.
