هرات محلی مسووللری نینگ ایتیشیچه، اوشبو ولایده ایکی یاش عیال ناتانیش قوراللی کیشیلر تامانیدن اوققه توتیلگن.
اوشبو واقعه اوتگن کونی عصر چاغیده، هرات شهری نینگ «حوض کرباس» منطقهسیده یوز بیرگن.
هرات حوزهوی کسلخانه باش طبیبی عارف جلالی نینگ سلاموطندارگه ایتیشیچه، مذکور عیاللر بیر ریکشا ده ایکنلر و موترسایکلگه بولگن قوراللی کیشیلر تامانیدن اوققه توتیلگن. جناب جلالیگه کوره، هلاک ایتیلگن عیاللر 25 و 30 یاشر ایکنلر.
مذکور عیاللرنینگ جسدلری پولیس تامانیدن کسلخانهگه انتقال بیریلگن. ایتیلیشیچه، ریکشا هیداووچیسی هم یرهلنگن.
واقعه انگیزهسی حاضرگهقذر بیللی ایمس و اوققه توتگن کیشیلر هم قاچیب کیتگن.
هرات پولیس قومندانلیگی مسووللری بوتوغریده صحبت قیلیشنی ایستمهگن.
