بُرکه تومنی نینگ پولیسی بیلن نا قانونی قوراللنگن بیر قوماندان اورتهسیده یوزبیرگن آتیشمه نتیجهسیده یوز عایله آواره بولگن.
بغلان ولایتی بُرکه تومنی نینگ بیر قنچه یشاووچیلری، نیچه کوندن بیری اوشبو تومن پولیس قوماندانی نینگ کیشیلری و ملاامیر ناملی ناقانونی قوراللنگن بیر قوماندان حربیلری اورتهسیده توقنشوو یوزبیرگن لیگینی سلاموطندارگه ایتگنلر.
بُرکه تومنی نینگ سایهزاره و شرشر منطقهسیده روی بیرگن بو قوراللی آتیشمه آقیمیده 300 خانهدان یشش اویلرینی ترک قیلیشگه مجبور بولگن لیکلری ایتیلهدی.
بُرکه تومنی نینگ مذکور اهالیسی، تومندهگی نابرقرارلیکلر آرتیده پولیس قوماندانی نینگ قولی بارلیگینی ادعا قیلگنلر. خلق، پولیس قوماندانی ایشدن آلینیش طلبی بیلن چیققنلر.
«اویلریمیزگه راکت کیلیب توشیشی نتیجهسیده بنالریمیز ویران بولدی هر کیچه پولیس قوماندانی بیلن اولر ( ناقانونی قوراللنگن) لر اورتهسیده پیستیرمه بازلیکلرهم بار» دیدی تومن یشاووچیسی بولمیش عنایتالله برهانی.
نا قانونی قوراللنگن قوماندان ملا امیر هم بُرکه تومنی پولیس قوماندانینی خلقنی قیناققه آلیش همده ایریم اورتاقلرینینگ اولیمیده قولی بارلیکده عیبلهگن.
مساله توغریسیده جمهور رییسلیک سرایی، عالی محکمه، دولت باشقرهلاوچیلیگی ایچکی ایشلر و ملی مدافعه وزیرلیگینی جریانگه قویدیم، لیکن هنوزگچه کیشی بو توغریده اعتبار قرهتمهدی دیگن ملا امیر.
لیکن، ولسواللیک نینگ امنیه قوماندانی محمدعلی، نیچه کون آلدین تومندهگی قوماندانلردن بیری ملاامیر بیلن نا قانونی قوراللنگن باشقه بیرکیشی اورتهسیده اوروش یوز بیرگنینی ایتگن. تومن پولیس قوماندانی، آتیشمه بغلان امنیه قوماندانی بویروغی اساسیده پایان بیریلدی دیگن.
شونینگدیک بُرکه امنیه قوماندانی، ملاامیرنی باج آلیش، زوروانلیک همده خلقنی قیناققه آلیشگه عیبلهگن.
بوندن نیچه کون آلدین هم بُرکه تومنی نینگ اهالیسی تومن پولیس قوماندانی محمدعلینی باج آلیش، عشر و ذکات ییغیشگه عیبلب ایشدن آلینیشینی سورهگن ایدیلر.
