.jpg)
بوندن نیچه هفته آلدین قندوز ولایتیده یوک تاشیووچی بیر موتردن 1000 ته ایشک تیریسی تاپیلگندی. آلدینلری هم بو قبیل حادثهلرده قولی بارلیکده گمان قیلینیب قندوز و تخار ولایتلریده بیر قنچه کیشی حبسگه آلینگن ایدی. مساله بیر قنچه سواللر تاپیلیشیگه عامل بولگن ایدی. ایشکلرنینگ گوشتی نیمه بولیشی و اصلا ایشک تیریسنی شیلیب آلیشدن اساسی نیت نیمه لیگی حقیده سوراقلر توغیلگن ایدی؟
ایشک تیریسی یوکلنگن موتر کشف ایتیلیشی کلوه نینگ اوچی تاپیلیب مسالهنی کوپراق یاروتیلشیگه آلیب کیلدی. آخیرگه کیلیب، جوزجان محلی رسملری بو معماگه نقطه قویدی.
سلاموطندار ترماغیگه مخصوص صحبت بیرگن رحمتالله حشر، ایشک تیریسی ماین جایلشتیریش اوچون فایدهلهنیلهدی دیگن. اونینگ تعبیریچه، بوندهی تیریلرگه قاپلگن ماینلرنی بیکار قیلیش امکانسیز بولهدی.
اخیرگی وقتلرده اوزبیکستانلیک طالبان جنگریسی پارتلاووچی مادهلرنی آت و ایشک تیریسیگه جایلشتیریشگه اولگورگنلر دیدی جناب حشر. تیریگه قاپلگن مایننی،ماین تازه لاووچیلرنینگ اوسکونهسی هم تاپیش قابلیتیگه ایگه ایمس لیگی ایتیلهدی.
اونینگ سوزلریگه قرهگنده، قوراللی طالبلر بازاردن ایشک ساتیب آلیب، تیریسیگه ماین جایلشتیرهدیلر. ایشکلرنینگ گوشتینی ایسه ملی کوچلر بیلن قراردادی بولگن شخصلرگه ساتهدی دیگن جناب حشر.
جوزجان پولیس ادارهسی نینگ خوفسیزلیک آمری عبدالحفیظ خاشع، آت و ایشک گوشتی ملی کوچلرگه تکلیف قیلینیشی توغریسیده بیرار نرسه تیلگه آلمهگن. لیکن، بو ایش انسانیتگه قرشی بیر قیلمش دیگن او. خاشع، دولت قوراللی مخالفلری عملیاتلریده موفقیتگه ایریشیش اوچون هر وسیلهدن فایدهلهنیشلریگه شبهه یوق دیدی.
بوندن آلدین سلاموطندار ترماغی تخار ولایتیدهگی ملی کوچلرگه ایشک گوشتی ساتیلیشی همده قندوزولایتیده 1000 ایشک تیریسی تاپیلگن لیگی حقیده گزارش قیلگن ایدی. بیراق، اوشبو تیریلر نیمهگه ایش آلینیشی هلیگیچه جُنباق ایدی.
