سیلاولر تیزیمیگه اصلاحات کیریتیش تکلیفلر مجموعهسی حکومتگه تاپشیریلگنیدن بیرکون اوتکنیدن کیین، اوشبو مجموعهنی عملگه آشیریلیشی خصوصیده عکسالعمللر اورتهگه چیقدی.
سیلاو خصوصیده بیرقطار ایش بیلرمانلرنینگ ایشانچیگه کوره، اوشبو مجموعهگه بولگن قیینچیلیکلر سوزلهشوو و بحث بیلن حل بولهدی. بیراق اوشبو ریجه مخالفلریگه کوره، تکلیف بولینگن ریجهلرنی بیرقسمی حاضرگی شرایطده عملگه آشیریلمهیدی.
افغانستان عدالت و ایرکین سیلاولر ادارهسی (فیفا) نینگ اجراییه باشلیغی محمد یوسف رشید، سلاموطندار بیلن اوتکزگن صحبتیده، سیلاولر ایرکین کمیسیونینینگ ییتی عضو بولیشی، تومنلر و ولایتی کینگشلرده عیاللرگه 25 فایز سهمیه بیریلیشی و سیلاولر تیزیمیگه اصلاحات کیریتیش کمیسیونینینگ باشقه بیرقطار تکلیفلری عملگه آشیریلیشینی ایتکن، بیراق اورغولشیچه، باشقه بیرقطار تکلیفلرگه قیته تیکلش لازم.
جناب رشیدگه کوره، «سیلاو تیزیمینی اوزگرتیریش، آوازلرنی بیرلشتیریش، سیلاو حوزهلرینی کیچیکلشتیریش و باشقه بیرقطار موضوعلرگه پیت کیرهک.
بیراق، سیلاو خصوصیدهگی ایش بیلرمان حشمتالله رادفرنینگ ایتیشیچه، سیلاولر تیزیمیگه اصلاحات کیریتیش کمیسیونینینگ تکلیفلر مجموعهسی فنی و قانونی قیینچیلیکلری حل بولهدی و بو بهانه بیلن بیر لایحهنی قمراوگه آلیش لازم ایمس دیر.
باشقه تاماندن، سیلاولر کمیسیونی سوزلاوچیسی نورمحمد نورگه کوره، سیلاولر تیزیمیگه اصلاحات کیریتیش کمیسیونینینگ تکلیفلریده ایجابی و سلبی موضوعلر کیریتیلگن، بیراق حاضرگی شرایطده ایریم بولیملر اوزگرتیریلیشی ممکن ایمسلیگینی ایتکن.
جناب نورنینگ اورغولشیچه، پارلمانده هنودلر اوچون بیر چوکی اجرهتیلیشی، سیلاو حوزهلرینی کیچیکلشتریش، برقی کیملیک حجت ترقهتیلیشی، سیلاو اوتکزیلیشیده دولتی ایشچیلر تعیینلنیشی، آوازبیروچیلر سانی بیللی بولیشی و ولایتی کینگش نامزدلری اوچون تحصیلی درجه بیللی بولیشی حاضرگی شرایطده عملگه آشیریب بولمس موضوعلردن بولگن.
بوندن آلدین، بیرقطار ایش بیلرمانلرنینگ ایتیشیچه، سیلاولر تیزیمیگه اصلاحات کریتیش کمیسیونی تامانیدن نیچه تامانلمه شکلده افغانستان سیلاولر تیزیمیگه اصلاحات کیریتیش ایستکلر، مذکور کمیسیون ایشینی قیینچیلیککه روپهره قیلهدی.
عین حالده، سیلاولر تیزیمیگه اصلاحات کیریتیش کمیسیونی آغیر سیناوگه روپهره بولگن، بیراق اوشبو کمیسیون اعضالرینینگ ایتیشیچه، حکومتگه ارایه ایتکن تکلیفلر مجموعهسینی هر بیر بولیمی اوستیگه آچیق صورتده بحث اوتکزیلگن و حکومت تامانیدن جدی اراده بولگن صورتده، بو ریجهنی عملگه آشیریلیشی قیین ایمس دیر.
