هرات شیندند تومنی یشاوچیلرینینگ ادعاقیلیشیچه، چهارشنبهکونی طالبلر مذکور تومن پولیس قومندانینینگ ایکی قوروقچیسی بیلن شیندند بازاریده اولدیرگن.
بو یشاوچیلرنینگ سلاموطندارگه ایتیشیچه، ایکی کوندن بویان مذکور تومنده توقنهشوو دوام ایتماقده و خلق دکانلرینی یاپگن.
شیندند یشاوچیلرینینگ ایتیشیچه، پولیس کوچلریگه بیر آلتین ساتووچی دکان اوغیرلنیشیدن خبر بیریلگن ایکن؛ بیراق شیندند پولیس قومندانی ایکی قوروقچیسی بیلن محلده ییتیشیب بارگن زمان طالبلر تامانیدن اوققه توتیلگن.
شونینگدیک بو یشاوچیلرگه کوره، اوتکن کیچه طالبلر مذکور تومن شورابک دهگی امنیتی پوسته سیگه هجوم اویوشتیرگن، نتیجهده 7 پولیس هلاک بولگن و برچه قورال اسلحهلرینیهم آلیب کیتگن.
عینحالده، هرات پولیس سوزلاوچیسی عبدالرووف احمدی، شیندند دهگی توقنهشوو و شورابک پوستهسی اوستیگه اویوشتیریلگن هجومنی تائید قیلهدی؛ بیراق، مذکور تومن پولیس قومندانی هلاک بولگنیدن خبر سیزلیک بیلدیرهدی.
جناب احمدیگه کوره، طالبلرنینگ اوتکن کیچه دهگی هجومیده، بیر پولیس یرهلنگن.
هرات والیسی اورین باسری اصیلالدین جامیهم شیندند تومنیده یوزبیرگن توقنهشوونی تائید قیلگن، بیراق، مذکور تومن پولیس قومندانی هلاک بولگنیدن خبر سیزلیک بیلدیرگن.
شونینگدیک طالبلر اوتکن کیچه بیر اوقیتووچی بیلن بیر دکاندارنی دولت اوچون جاسوسلیک قیلیشگه عیبلب مذکور ولایت کرخ تومنیده اولدیرگن.
هرات کرخ تومنی پولیس قومندانی شیرآغانینگ سلاموطندارگه ایتیشیچه، عبدل و بسمالله کرخ تومنی جنوب شرقی 45 کیلومترلیگیده واقع بولگن کمرزرد قیشلاغی بارگن ایکن، طالبلر تامانیدن توتقونگه آلینیب اوندن کیین اولدیریلهدی.
