217 پامیر قول اردو قومندانلیگی سوزلاوچیسی عبدالهادی نظری نینگ ایتیشیچه، تخار ولایتی نینگ دشتقلعه تومنیده اویوشتیریلگن هوایی هجوم عاقبتیده، طالبان جنگریلریدن 7 تهسی هلاک و باشقه 11 تهسی یرهلنگن.
عینحالده، تخار ولایتی نینگ دشتقلعه تومنیدن محلی بیرمنبع نینگ کیملیگی سیرقالیشنی ایستهب سلاموطندارگه ایتیشیچه، اوتگن "دوشنبه" کونی عصر چاغیده طالبان جنگریلری محلی پولیس ایکی رنجرینی اوشبو تومندن خواجهغار تومنیگه انتقال بیرهدیگن حالده، هوایی هجوم آستیگه قرار بیریلیب نتیجهده ایکی تینچ اهالی یرهلنگن.
منبع نینگ کوپهیتیریشیچه، شونینگدیک، نواباد تومنیده بیر مسجد نینگ هوایی هجوم آستیگه قرار بیریلگنی نتیجهسیده، طالبان بیرقطار جنگریلری هلاک و یرهلنگن، بیراق بیللی ارقام قولگه یوق دیر.
اونینگ ایتیشیچه، مذکور هجوم ده عیاللر و بالهلر شامل ایکی تینچ اهالی هلاک و باشقه 3 تینچ اهالی یرهلنگن.
بیراق، 217 پامیر قول اردو قومندانلیگی سوزلاوچیسی، مذکور واقعهده تینچ اهالی تلفات کورگنینی رد قیلگن.
