سرپلده طالبلر اسیر آلگن عسکرنینگ آتهسی و خالهسینینگ ایرینی آتیب اولدیرگن. سرپل محلی رسمیلرینینگ ایتیشیچه، بو واقعه اوتگن کون مذکور ولایتنینگ علفسفید منطقهسیده یوز بیرگن.
سرپل حاکمی سوزلاوچیسی ذبیحالله امانینینگ سلاموطندارگه ایتیشیچه، طالبلرنینگ قولیده بولگن عسکرنینگ آتهسی و خالهسینینگ ایری سمنگان ولایتینینگ دوآب تومنیدن اوغلینی کورماق اوچون سرپل ولایتینینگ کوهستانات تومنیگه کیلگن ایکنلر.
جناب امانینینگ ایتیشیچه، مذکور کیشیلر یولگه قیتیب کیلهیاتگن بیر پیتده طالبلرنینگ باشقه گروهی تامانیدن آتیب اولدیریلگن. اونگه کوره، حربی کوچلرنینگ اوشبو عسکری ایکی ییل آلدین، سرپلنینگ کوهستانات تومنی طالبلرنینگ قولیگه سقوط قیلگن چاغیده، مذکور گروه تامانیدن اسیر آلینگن ایکن.
شونینگدیک، سرپل پولیس قومندانی خلیلالله دستیار، بو خبرنی تصدیقلهیدی. قوراللی طالبلر حاضرگچه بو واقعه توغریسیده میدیاگه هیچ نرسه دیمهگن.
