هلمند ولایتی‌نینگ محلی بلند مرتبه‌لی رسمیلری، اوتگن کیچه طالب‌لرنینگ مذکور ولایت واشیر و مارجه ولسوال‌لیک‌لریگه قیلگن هجومی ملی کوچلر مقاومتی‌گه روپه ره بولیب، نتیجه‌ده جنگریلر آرت‌گه قیتریلگنلر.
ایتیلیشیچه، حاضر یالغوز مارجه ولسوال‌لیگی‌نینگ پولیس قوماندانلیگی و ولسوال‌لیک اداره‌سی دولت اداره آستیده بولگن و قالگن باشقه بوتون منطقه‌لر جنگریلر نظارتی‌گه اوتگن. اوشبو ایکّی بنانی تصرف قیلیش اوچون تورت کوندن بیری اوروش جریانی بارلیگی ایتیله‌دی.
هلمند ولایتی‌ده سلام‌وطندارنینگ محلی خبرچی‌سی صفت‌الله زاهدی‌نینگ ولایت محلی رسمیلریگه اساسلب یازیشیچه، عمومی یول‌لرده قورقینچ حکم سوره‌دی خوفسیزلیک کوچلری‌نینگ برچه‌سی پوسته‌لریده تیار تورگن‌لر. اونگه کوره، افغان ملی کوچلری اوروش اوچون تیارگرلیک کورگن؛ عین حالده محلده‌گی اهالی اوز یشش جایلرینی ترک قیلیش‌گه باشله‌گن.
میوند 215- قول اردو قوماندانی جنرال محمد معین فقیری، ولایتده‌گی قورال‌لی طالب‌لرنینگ یاشیرون مرکزلری نابود ایتیلیشی اوچون برچه حربی‌لر بیلن اویغون‌لیک‌ده عمل قیلیش‌لرینی ایتگن.
جناب فقیری‌گه کوره، باباجی، مارجه و ولایت‌نینگ شمالی ولسوال‌لیکلریده امنیت تامین ایتیلیشی اوچون هوا کوچلردن تشقری توپچی همده پیاده کوچلردن فایده‌لنیله‌دی.
ملی مجلسده هلمند ولایتی‌نینگ نماینده‌سی جبار قهرمان سوزلریگه کوره، ولایت نماینده‌لر هلمند قیین‌چلیگی حل ایتلیشی اوچون جمهور رییس بیلن اورته‌گه قوییش‌گه حرکت قیله‌دیلر.
هلمند ولایتی‌نینگ مارجه ولسوال‌لیگی قورال‌لی طالب‌لر ایران و پاکستان‌دن باریب کیلیشی اوچون ایرکین بیر حدود سنه‌له‌دی.
