سمنگان ولایتی کینگش اورینباسری محمدهاشم سروری نینگ سلام وطندارگه ایتیشیچه، اوتگن کون طالبان سمنگان ولایتی کینگش اعضاسی سیدعبدالعلیم سادات نی باشقه 4 کیشی بیلن اورغلب و بوگون «یکشنبه» مذکور ولایت کینگش اعضاسینی اولدیرگنلر.
سمنگان ولایتی کینگشی اورین باسری گه کوره، جناب سادات نینگ جسدی نی چشمهشیر منطقهسی اطرافیدن تاپگنلر.
اونینگ کوپهیتیریشیچه، سمنگان ولایتی قوم بویوکلریدن 4 تهسی حاضرگچه طالبان توتقونیگه دیر.
بغلان پولیس قومندانی نیازمحمد نیاز اوشبو خبرنی تصدیقلهگن.
سمنگان ولایتی کینگش اعضاسی سیدعبدالعلیم سادات اوتگن کون مذکور ولایت قوم بویوکلری نینگ 4 تهسی بیلن کابل تامان کیتهدیگن بیرچاغده، پلخمری ولایتی نینگ چشمهشیر منطقهسیده طالبان آرقلی قولگه آلیندی.
طالبان حاضرگچه بو توغریده هیچ بیر نرسه دیمهگن.
