فاریاب محلی رسمیلری غورماچ پولیس باشلیغی عبدالمجید گلیمباف نینگ باشقه 13 یاردمچیسی بیلن اولدیریلگنلیگیدن خبر بیرهدی.
فاریاب قیزیل آی ادارهسی باشلیغی خالمرزا صبوری نینگ سلاموطندارگه ایتیشیچه، غورماچ اوروشیده هلاک بولگنلر مذکور تومن باشلیغی جنازهسی بیلن باشقه 12 کیشی امنیتی کوچلر جسدی هم بار ایکن.
فاریاب پولیس باشلیغی جنایی مدیری سربلند حشام بو خبرنی تأیید قیلیب ایتیشیچه، شو حاضر رحمتلی گلیمباف اویده جنازه توپراققه تاپشیریش مراسمیده کوپلب نظامیلر بیلن قتنشگنلر. بوندن آلدین هم گلیمباف نینگ اولدیریلگنلیگی بارهسیده قرمه قرشی گزارشلر بار ایدی. جناب حشامگه کوره، گلیمباف اوتگن هفته جریانیده هلاک ایتیلگن.
غورماچ پولیس باشلیغی 30 کیشی اورتاقلری بیلن 3 کون طالبلر قمراویگه قالیب، شو مدتده اونلرچه مرته مرکزی دولتدن تازه نفس یاردم سورهگن ولی جواب سیز قالیب، اخیر هلاک بولگن.
عبدالمجید گلیمباف سابق جهادیلردن بیری ایدی و پولیس تشکیلاتیگه کیریشی بیلن غورماچ پولیس باشلیغی حیثیده تنلنگن ایدی.
عین حالده، اوتگن کون امنیتی کوچلر طالبلرنی قیصار و غورماچ تومنلریدهگی قمراوچیزیغلرینی سیندیردیلر.
فاریابدهگی 209 شاهین قول اردو بیرینچی لوا سوزلاوچیسی محمدرضا رضایی نینگ سلاموطندارگه ایتیشیچه، اردو کوچلری باشقرویده «15-قیلیچ» ناملی عملیات نتیجهسیده، بو تومنلردهگی طالبلرقمراو چیزیغینی سیندیرگنلر و غورماچ تومنیدهگی قمراوگه قالگن امنیتی کوچلرنی قوتقریب آلگنلر.
جناب رضایی نینگ ایتیشیچه، قمراوگه قالگن امنیتی کوچلرسانی 800 کیشیگه ییتردی. ایتیلیشیچه، بو امنیتی کوچلر چهارشنبه، کنجک، دوآبی و آبگرمک قیشلاقلریده طالبلربیلن اوروش اوتکزیشلریدن سونگ، غورماچ کمپیده ییتیب کیلگنلر.
فاریابدهگی اردو سوزلاوچیسی نینگ ایتیشیچه، «15-قیلیچ» عملیاتی نتیجهسیده امنیتی کوچلر و طالبلر اورتهسیده نیچه مرته قیصار و غورماچ تومنلریده اوتکزیلیب، 20 طالب هلاک و باشقه 8 تهسی هم تن جراحتی آلگن و امنیتی کوچلردن 3 کیشی یرهلنگن ایکن. اونینگ ایتیشیچه، شوحاضر قیصار- غورماچ تومنی قتناو یولی طالبلر تامانیدن یاپیلیب قالگن ایدی، امنیتی کوچلر واسطهسی بیلن آچیلگن.
اوتگن هفته یکشبنه کونی کیچه یریمیده طالبلر 12 ساعتلیک غورماچ تومنینی اوز تصرفلریگه کیریتگن ایدی و بو تومندهگی پولیس پوستهلرینی قمراوگه آلگن ایدی. فاریاب ولایتی کینگش باشلیغی سیدعبدالباقی هاشمی نینگ سلاموطندارگه ایتیشیچه، بو تومن پوستهلری ایکی کون طالبلر قمراویگه قالیشی بیلن امنیتی کوچلر و طالبلر ارا قتیق اوروش اوتکزیلیب جنگریلر قولیدن قیته آلگنلر.
