اخبارات و مدنیت وزیرلیگی و خبرچیلرنی حمایت قیلیوچی ادارهلر خصوصی رسانهلر تاسیس ایتیلشی و فعالیت قانونی عملی بولیشی اوچون تاکیدله گنلر.
بوگون کابلده اخبارات و مدنیت وزیرلیگی ینه خبرچیلرنی حمایت ایتیوچی اداره، بوندن بویان عاموی اخبارات واسطهلر ایگهلری ملازملری حقوقی و امتیازلرینی نظرده توتمهگن حالده، برابرلریگه قانون یوزهسیدن یانده شیلشینی اعلان قیلگنلر.
اخبارات و مدنیت وزیرلیگینینگ یایین بولیمی اورین باسری سیده مژگان مصطفوی، عاموی اخبارات واسطهلری، خصوصی رسانهلر فعالیتی تاسیس ایتیلیش قانونینی عملگه آشیریش اوچون مجبورلر دیگن. مذکور مقرره ده خبرچیلرنینگ ایش همده جانی خوفسیزلیکلری نظرده توتیلگن.
افغانستان عاموی اخبارات واسطهلرینی حمایت ایتووچی اداره باشلیغی صدیق الله توحیدی بوگون کابلده اوتکزیلگن بیر خبری ییغین معلوم قیلیشیچه، عاموی اخبارات واسطهلری ایگهسی ملازم لرینی ماشین صفتیده فایدهلنمس لیگی کیرهک.
خصوصی رسانهلر تاسیس ایتیلیب فعالیت قیلیش قانونینینگ اون آلتینچی مادهسیگه یازیلیشیچه، عاموی اخبارات واسطهلری ملازملریگه تجربه و کونیکمه اساسیده آیلیک یا – ده امتیاز بیریشی لازم. دم آلیش، تشویقی مکافات، تقاعد، آرتیق ایش لش مکافاتی، ایلیکنی کوتیش، اورگهنیش شرایطی، خاتینلر اوچون ولادت رخصت، خصوصی عاموی اخبارات واسطهلری تاسیس ایتیلب فعالیت قیلیشی اوچون نظرده توتیلگن اصلی موردلردن حسابلنهدی.
حاضرگی کونده کوپینچه خبرچیلر ییترلی درجهده امتیازلری یوق لیگی و رسانهلر ایگهسی تامانیدن سلیقهوی یاندهشیشیدن شکایت قیله دیلر. افغانستان اخبارات و مدنیت وزیرلیگی و مدیانی حمایت ایتووچی ادارهلر فعاللری رسانهچیلر ایگهلریدن خادم لری جانی همده آیلیک لریگه جدی اعتبار بیریلیشی نی سورهگنلر.
خصوسی رسانهلرنی تاسیس ایتلیب فعالیت باشلش قانونی جاری ییل اسد آیی نینگ 25 سیده تصدیق لندی. مذکور قانون 4 فصل 41 ماده دن عبارت. بو قانون جاری ییل عقرب آیینینگ 16 سیده کابینه تامانیدن کوچگه کیریتیلیشی تصدیقلندی.
