افغانستان غربیده جایلشگن هرات ولایتینینگ محلی بنلد مرتبهلی رسمیلری قوراللی طالبلر بیر اوقیتووچی شامل بیر دکاندارنی کرخ ولسواللیگیده دولتگه جاسوسلیک قیلگنلیک عیبی اولدیرگن لیگی بارهسیده خبر بیرگنلر.
هراتنینگ کرخ ولسوااللیگی امنیه قوماندانی شیرآغانینگ سلام وطندارگه ایتیشیچه، عبدل و بسم الله اوتگن کون کرخ ولسواللیگی جنوب شرقی نینگ 45 کیلیو مترلیگیده جایلشگن کمرزد قیشلاغیده قوراللی طالبلر تامانیدن اولدیرگن.
کرخ امنیه قوماندانی جنگری طالبلر مذکور ایکی شخصنی حبسگه آلگندن سونگ، کیچه ساعت 9 ده اولدیرگنلیگینی ایتگن.
شیرآغاگه کوره، اوشبو ایکی کیشینینگ جسدی منطقهدن هرات ولایتینینگ شفاخانهسیگه آلیب کیلینگندن سونگ خانهدانیگه تاپشیریلگن. شیرآغا، مذکور شخصلر دولت بیلن هیچ قندهی علاقهسی بولمهگن لیگینی ایتگن.
عین حالده، جاری هفته یکشنبه کونی ملی اردونینگ اون بیر حربیسی هرات ولایتیدن بادغیس تامان حرکتده بولگن بیر چاغده، کرخ ولسواللیگی نینگ مسجد منطقهسیده جنگریلر پستیرمهسی نتیجهسیده اولدیریلگن ایدی.
