لوگر ولایتی خلق کوچلرینینگ ایتیشیچه، تورت ییلدن بویان اوز امکاناتلری بیلن طالبلرگه قرشی کورهشیب کیلگن، بیراق امنیتی کوچلر ایریم پیتلرده اولرنی قورالدن بوشهتدی.
اوشبو کوچلر قومندانی سید فرهاد اکبری سلاموطندار بیلن اوتکزگن صحبتیده، شونچه مدتده خلق کوچلریدن 12 مینگ کیشی طالبلر بیلن اوروشیب کیلگنینی ایتکن.
اونینگ کوپهیتیریشیچه، تورت ییل جریانیده، مذکور ولایتده 80 قیشلاقنی طالبلردن تازهلگن؛ بیراق کابل و لوگر امنیتی رسمیلری، اوزی شامل اوشبو کوچلردن بیرقطارینی جنایتسیز توتقونگه آلیب قورالدن بوشتگن. جناب اکبرینینگ آگاهلنتیریشیچه، دولت تامانیدن حمایه بولمهگن صورتده، نظارت لریدهگی منطقهنی قوییب یوبارهدی و طالبلر تیزلیکده بو منطقهلرنی اوز نظارتیگه آلهدی.
لوگر ولایتی خلق کوچلری قومندانی، کمیده ایکی آی آلدین اوشبو کوچلرنی باشقه تورت قومندانی بیلن قماقخانهدن قوییب یوباریلگن. اونینگ ایتیشیچه، حجتسیز، 24 کوننی قماقخانهده اوتکزگن.
شونینگدیک، مذکور ولایت برهکی برک تومنی خلق کوچلری قومندانی عبدالجلیلنینگ ایتیشیچه، امنیتی کوچلر اولرگه یاردم بیرمسلیگیگه قوشیمچه، ایریم پیتلرده اولرنی یوقاتیش اوچون هر بیر یولدن ایشآلهدی.
اونینگ کوپهیتیریشیچه، طالبلر بیلن اوروشگنده، اوشبو گروهنینگ ایکی اعضاسی هلاک بولگن؛ بیراق امنیتی رسمیلر بو کیشیلرنی اولدیریشگه عیبلب، اوغیللرینی قماققه تشلهگن. عبدالجلیل، دولتدن امنیت تأمینلنیشی خصوصیده اوشبو کوچلردن حمایت ایتیشینی سورهدی.
عین حالده، لوگر والیسینینگ سوزلاوچیسی محمدسلیم صالحگه کوره، ولایت ادارهسی هردایم خلق کوچلریدن حمایت قیلیب کیلگن و هیچقچان اولر اوچون قیینچیلیک یرهتمهگن.
جناب صالحگه کوره، لوگر ولایتی خلق کوچلری، برهکی برک، خوشی، محمدآغه و پلم علم تومنلریده فعالیت قیلهدی، اولر طالبلرگه قرشی قورال آلیب و اوشبو منطقهلرده مذکور گروهگه قرشی کورهشهدی.
طالبلر تهدیدی کوپهییشی بیلن طالبلرگه قرشی خلق حرکتی هم کوپیگن. سونگی کونلرده فراه و بغلان ولایتلرینینگ یشاوچیلری طالبلرگه قرشی قورال کوترگن.
لوگر، کابلگه قوشنی بولیب افغانستاننی تینچسیز ولایتلریدن بیری سنلهدی. لوگر پولیسی انچه پیت آلدین مذکور ولایتده طالبلرنی بیر مرکزی نابود بولگنیدن خبر بیرگن ایدی. اوشبو ولایت پولیسیگه کوره، افغانستان سابق جمهور رییسی حامد کرزی، 13 ییل حکومتیده، طالبلرنینگ اوشبو مرکزی امنیتی کوچلر عملیاتیگه آلینیشی خصوصیده توسیق بولگن.
