افغانستان ترانسپورت و هوا یوللر وزیرلیگینینگ بلند مرتبهلی رسمیلری، ولایتلر ارا اینیقسه کابل – بدخشان و کابل – قندوز اوچیش چپتهلر نرخی کوتاریلگنلیگینی ایتگنلر و هوا شرکتلری ایسه چپتهلرنی ارزان قیلیشی کیرهک.
مذکور وزیرلیکنینگ سوزلاووچیسی حکمتالله قووانچنینگ ایتیشیچه، «افق شرق» خصوصی هوا یوللر شرکتی قندوز – بدخشان اوچهدی مذکور شرکت اوچیش چیپتهسی نرخی کوتاریلگنی خوفسیزیلیکلر میزانی آشگنی سبب یولاووچیلر سانی کمیگنی باعث بولگن.
جناب قووانچ گه کوره، مذکور شرکت کونده بیش یا آلتی مرته بدخشان اوچهدی و اوشبو اوچیشلرنینگ قانونی قیمتی هریولاووچی اوچون 15 مینگ افغانی. او، بوندن بویان بدخشانگه اوچهدیگن یولاووچیلردن بو توغریده قوللریده موجود حجتلرنی مذکور وزیرلیککه بیرگن حالده، چپتهلر نرخینی کوتارگنلر بیلن قانون یوزهسیدن یاندهشیلهدی دیگن.
اما، مذکور هوا یوللر شرکتینینگ قطار یولاووچیلریگه کوره، هر بیر تکت نینگ نرخی 20 مینگدن یوقاری حال بوکه هر بیر تکتنینگ معیاری نرخی بیش مینگ افغانی دیر. مذکور یولاووچیلرنینگ سلام وطندارگه ایتیشلریچه، بعضی وقتلرده بیر تکت نینگ قیمتی 22- 23 منیگه کوتاریلهدی.
شونینگدیک بولرگهکوره، فقط بدخشاندن باریب کیلیش اوچون 50 مینگ افغانی مذکور شرکتگه تولشگه مجبورلر. افق شرق هوا یوللر شرکتی بوندن آلدین بیر هفتهده پایتختدن بیر مرته بدخشان و بدخشاندن پایتخت اوچیردی، اما خوفسیزلیک میزانی آشیشی و ینه قندوز ولایتی جنگری طالبلر تصرفیگه اوتیشی اهالی ییردن سفر قیلیش دن کوره هوا آرقهلی سفر قیلیش نی اوستون کورگنلر انه شو سبب مذکور شرکت بیر هفتهده آلتی – ییتی مرته اوچهدی.
عین حالده، ییردن باردی کیلدی قیلهدیگن نقیله واسطهلر بوگون (یکشنبه) تخار و بدخشانگه بولگن سفرلرینی قیته باشلهگن. شونینگدیک اوتگن کون نیچه موتر قندوزدن کابلگه کیلگن.
صناعت و تجارت اتاغی افغانستان ترانسپورت وزیرلیگیدن خصوصی شرکتلر تامانیدن چپته نرخی کوتاریلمسلیگی اوچون جدی اعتبار بیریشنی سورهگنلر. تجارت اتاغینینگ اورین باسری خان جان الکوزینینگ سوزلریگه کوره، هیچ کیم کرانی کوتاریش اوچون یولاووچیلردن آرتیق مبلغ آلیش حقیگه ایگه ایمس.
جناب الکوزینینگ سلام وطندارگه بیلدیریشیچه، بوندن آلدین افق شرق هوا یوللر شرکتی بدخشان – کابلدن باریب کیلیشده 7-8 مینگ افغانی آلردی، اما قوراللی طالبلر قندوز سقوط قیلگندن کیین مذکور چیپتهلر بیردنگه 17 افغانیگه کوتاریلگن.
اما افق شرق هوایی شرکتینینگ مسووللریگه کوره، بدخشان باریب کیلیش اوچون چپتهنینگ قیمتی هر کیشی اوچون 5450 افغانی بولگن اما کابلگه اوچیش اوچون 13 تعین ایتیلگن. مذکور شرکتنینگ بازار تاپیش شرکتی مسوولی سلیمان عمرنینگ سوزلریگه قرهگنده، بعضی کیشیلر شرکتدن تکتنی اصلی قیمتیده آلیب باشقه یولاووچیلرگه قیمتگه ساتیب اوشبو شرکت نامینی بد قیلیشگه اولگورهدیلر.
هوا یوللر شرکتلرینینگ چپتهسی جاری ییل باشلنگندن بیری شمالی ولایتلر جملهدن قندوز، بدخشان، بغلان و فاریاب ولایتلریده قوراللی طالبلرنی هجومی آشگنلیگی سبب نرخی کوتاریلگن. مذکور گروه 14 ییلدن کیین قندوز مرکزینی اوچ کون اوز تصرفیگه آلیشگه موفق بولدی.
