کابل حربی مرکزی نینگ باش قوماندانی جنرال امینالله پتیانینینگ مذکور حربی مرکزنی بیتیرگن 2400کیشی فراغتی مناسبتی بیلن قیلگن چیقیشیده ایتیشیچه، بو مرکزنی بیتیرگن عسکرلر، بریدمل، گروپ باشی و کندک باشلیغی صفتیده وظیفه قیله دیلر. شونینگدیک جناب پتیانیگه کوره، مذکور عسکرلر 201، 203، 205، و 215 قول اردو لری، ینه 111 تیزکار کندکلریگه ایشگه آلینهدیلر. اوشبو ییغینده منصبدار عسکرلر زمانوی جهاز همده حربی اسکونهلر یوقلیگیدن شکایت قیلگنلر.
اولر، حربی بلند مرتبهلی رسمیلریدن اوشبو مشکل برطرف ایتلیشیگه اعتبار بیریشلرینی سوره گنلر. مذکور حربی مرکزنینگ اورگه تیش مسوولی جنرال محمد حبیب اصغریگه کوره، عسکرلر و ینه حربیلرنینگ معمالرینی برطرف قیلیش دستلبکی ایشلریدن دیر. اصغری، کیلهجکلرده حربیلرنی معاری روشده تعلیم بیریش اوچون جدی سعی وحرکت ایتیشلریدن سوز بیرگن. ایکی آی ایچیده اوشبو حربی مرکزده تعلیم کورگن عسکرلر قانون، انسان حق و حقوقلری و مخدر مادهلرگه قرشی کورهشیش بوییچه درس کورگنلر.
کابل حربی تعلیمات مرکزی 17 مینگ کیشینی قبول قیلیش قابلیتیگه ایگه، هر ییلی مذکور مرکزدن مینگلب عسکر حربی درس کورهدی. ملی اردونینگ برچه اعضالری اوشبو حربی مرکزده تعلیم کورگندن سونگ، ملی اردو صفیگه آلینهدیلر.
