کاپیسا امنیتی مسوول‌لری نینگ ایتیش‌لریچه، طالبان جنگریلری اوشبو ولایت تگاب تومنی نینگ پولیس قومندانلیگی اوستیگه هجوم قیلگنلر.
کاپیسا پولیس قومندانلیگی سوزلاوچیسی عبدالشایق شورش نینگ ایتیشیچه، طالبان جنگریلری اوتگن کیچه ساعت 9 اطرافیده تگاب پولیس قومندانلیگی اوستیگه هجوم قیلگن. اونینگ ایتیشیچه، آتیشمه عاقبتیده تگاب تومنی نینگ جنایی آمری شامل 5 پولیس هلاک و مردمی کوچلر شامل باشقه 7 پولیس یره‌لنگن.
جناب شورش نینگ سلام‌وطندارگه ایتیشیچه، طالبان جنگریلری محل یشاوچی‌لرینی زوردن اوی‌لریدن چیقاریب و مذکور اوی‌لرده جایلشگن.
اونینگ کوپه‌یتیریشیچه، طالبان جنگریلری مسکونی اویلردن فایده‌لنگنلری سبب، پولیس قومندانلیگی نینگ اطرافی‌گچه کیلگن.
کاپیسا پولیس قومندانلیگی سوزلاوچیسی‌گه کوره، مذکور واقعه‌ده طالبان جنگریلریدن بیرقطار هلاک و یره‌لنگن، بیراق بیللی ارقام قولگه یوق.
عین‌حالده، کاپیسا ولایتی کینگش باشلیغی محمدحسین سنجنی نینگ ایتیشیچه، طالبان جنگریلری تگاب پولیس قومندانلیگی نی تصرف قیلیش مقصد ده نیچه تاماندن هجوم قیلگن، بیراق امنیتی کوچلرنینگ مقاومتی بیلن روپه‌ره بولگن.
طالبان گروهی حاضرگه‌قدر بوتوغریده صحبت قیلمه‌گن.
