مملکت غربی‌ده‌گی فراه ولایتی امنیتی رسمی‌لری، 13 محلی پولیس‌نینگ طالبلرگه قوشیلگنی‌دن خبر بیرگن.
فراه ولایتی پولیس قومندانی فضل محمد صمدیارنینگ سلام‌وطندارگه ایتیشیچه، اوشبو پولیس کیشی اوتکن کیچه فراه ولایتی بالابلوک تومنی «گرانه» قیشلاغی‌ده‌گی پوسته‌دن نامعلوم دلیل بیلن طالبلرگه قوشیلگن.
جناب صمدیارگه کوره، مذکورمحلی پولیس بیر رنجر موتر و 13 میل قورال بیلن طالبلرگه قوشیلگن.
فراه پولیس قومندانی‌نینگ ایتیشیچه، اوشبو محلی پولیس‌نینگ بالابلوک تومنی‌ده آق سقال‌لر و قوم بویوک‌لری ضمانت قیلگن ایکن و حاضر پولیس رسمی‌لری مذکور کیشی‌لرنینگ ضمانت قیلگن کیشی‌لر بیلن اولتیریشیب و دولت نقلیه واسطه‌سی و قورال‌لرینی قیته‌آلیب بیریشینی سوره‌گن.
فراه پولیس قومندانی‌نینگ آگاه‌لنتیریشیچه، بوکیشیلر بوندن کیین دولت‌گه قرشی بولگن و هر ییرده کوزگه کورینسه، اولر بیلن قانونی کیلیشیله‌دی.
بوندن آلدین‌هم، بیر قطار محلی پولیس کوچلری ناتینچ ولایت‌لرده قوللریده‌گی جهازلری بیلن دولت‌گه قرشی قوراللی عصیانچیلرگه قوشیلگن ایدی. محلی پولیس‌گه قوشیلگن کیشی‌لر منطقه آق سقال‌لری و قوم بویوک‌لری ضمانتی بیلن کیله‌دی. ایریم کیشی‌لر یمان‌نیت بیلن محلی پولیس‌گه قوشیله‌دی و خلق‌نی قینشلریگه سبب بوله‌دی.
