لوگر ولایتی ازره ولسواللیگیده دولت کوچلر بیلن طالبلر اورتهسیده دوام تارتگن بیش ساعتلیک اوروش اوز پایانیگه ییتگندن کیین، بوگون دوشنبه تانگ وقتی بیلن توقنهشوولر قیتهدن باشلنگنی خبر قیلیندی.
میدان وردک و لوگر ولایتینینگ تورتینچی پیاده لوا قوماندانی عبدالرازق ساپی نینگ سلام وطندارگه ایتیشیچه، ینگی توقنهشوولر جریانیده 45 طالب، ازره تومنی یشاووچیلریدن اوچ عیال و ایکّی پولیس هلاک بولگن.
شونینگدیک اوتکن کون ازره ولسواللیگیده یوزبیرگن توقنهشوولرده 5 تینچ اهالی، 17 طالب و 2 پولیس هلاک بولگن ایدی. ایتیلیشیچه، اوروشلر جریانیده یوزلب عایله اوز یشش اویلرینی ترک قیلیشگه مجبور بولگن.
طالبلر بو هجوم مسوولیتینی بوینیگه آلیب، مذکور ولسواللیکده نیچه امنیتی پوستهنی باسیب آلگنلیکلرینی ادعا قیلگنلر.
افغانستان و پاکستان اوچ ولایتیده بیلن چیگرهداش لوگرنینگ ازره ولسواللیگی استراتیژی منطقهلردن سنهلهدی.
