افغانستانلیک فیلمچی موفق دایرکتر صدیق برمک عایله سی بیلن دایمی شکلده افغانستاننی ترک قیلدی.
او، فرانسه کیملیگینی آلیب او مملکت وطنداشی بولگن. جناب برمک هنوزگچه نیچه کته – کیچک، نیچه فیلمنامه یازگن.
اونینگ فیلملری ایریم خلق ارا فستواللرده ملی مکافات بیلن تقدیرلنگن. افغان فیلم ریاستی نینگ اورین باسری جوانشیر حیدری سلام وطندار بیلن بولگن صحبتیده، برمک یامان حالتده افغانستان هم خلقیگه افتخار کیلتیرگن لیگینی ایتگن. اما، او بوندن آرتیق تفاوت سیزلیکلرنی چیده آلمس لیگینی بیلدیرگن.
شونینگدیک حیدریگه کوره، مملکت سینما متخصصلری مملکتنی ترک قیلیشی فقط جناب برمککه چیکله نیب قالمیدی.
حیدری، افغانستان سینماسی نینگ باشقه هنرمندلری هم مملکتنی ترک قیلیش فکرید ایکن لیکلرینی بیلدیرگن. افغانستانلیک هنرمندلرگه حکومت تامانیدن هیچ اعتبار بیریلمه گنلیگی ایتیلهدی. انه سبب هم افغانستانده هنرمندلیک موجود فضاگه قره مسدن وطننی ترک قیلیشگه باشله گن لیکلری تیلگه آلینهدی.
صدیق برمک نینگ هم مسلکی همده اورتاغی همایون پاییز سلام وطندارگه، جناب برمک مملکتنی ترک قیلیشی افغانستان سینماسی اوچون ییریک ضربه بولگن.
شونینگ دیک همایون، برمک کبی هنرمند وجودگه کیلیشی اوچون یینه قیریق ییل کوتیشگه تورغری کیلشینی بیلدیرگن. پاییزنینگ سوزلریگه کوره، جناب برمک افغانستان سینماسینی دنیاگه تنیتیش اوچون قیین شرایطلرنی باشدن کیچیرگن.
لیکن، نهایتده حکومت نینگ تفاوت سیزلیگی باعث او مملکتنی ترک قیلگن. عین حالده، پاییز برمکدن تشقری هر ییلی اونلب افغانستانلیک هنرمند مملکتنی ترک قیلیشلرینی تیلگه آلگن.
شونگه قره مسدن هنوزگچه دولت بومساله گه بی فرق یانده شیب کیلماقده. همایون پاییزنینگ تاکیدله شیچه، سونگی مرته جناب برمک بیلن بولگن اوچره شوویده برمک مملکت دولت رسمیلرینی سینما، فرهنگ، مدنیت و فرهنگیلرگه نسبتن سیره هم اعتبار قرتمهگن لیگینی حکایه قیلگن.
برمک 1962-ییلده پنجشیر ولایتیده دنیاگه کیلگن. او، باشلنغیچ تعلیماتنی بیتیرگندن کیین، مسکوده سینما بولیمیده تحصیل آلیب، اوشبو ساحهده تخصص کورگن.
جناب برمک میلادی 1987- ییلده فیلم ساحه سیده دایرکترلیک دیپلمینی قولگه کیرتگن. جناب برمک نینگ ایشلب چیققن فیلملریدن دیوار، دایره، بیگانه و اونینگ تَنیلگن فیلمی اسامهدن آت تویش اورینلی.
