خمیرنی قاتیقراق قیلیب قاری‌سیز، زواله قیلیب سچاققه اوره‌ب اون بیش دقیقه تیندیرگنینگیزدن کیین ینه بیر بار موشتلب پیشیتیب اوندن کیین اوقلاو یاردمی‌ده یوپقه قیلیب یازه‌سیز. یایمه‌دن 10+10 سانتی متر حجم‌لی قیلیب کیسه‌سیز. یاکه خمیردن یانغاق، کته‌لیگی‌ده زواله‌لر اوزیب آلیب هر بیرینی علیحده – علیحده جلد قیلیب یایه‌سیز.
قلین‌لیگی 2 ملی متر بولسین. هر بیر جلدگه کیتگنیچه قیمه سالیب منتو توگه‌سیز. قیمه‌سینی تیارلش: یاغلی قوی گوشتی‌دن آلیب، اوتگیر پیچاق بیلن چومچوق تیلی قیلیب توغری‌سیز، یاغینی سل ییریک‌راق، دُمبه یاغی بولسه 1+1 سانتی متر کوبیک قیلیب، چروی یاغینی ایسه بادام کته‌لیگی‌ده توغری‌سیز. حلقه – حلقه قیلیب توغرلگن پیازنی تخته اوستی‌گه قویب چاپیب یوباره‌سیز.
شونده‌ی قیلگن‌ده پیاز بیر جایده توپله‌نیب قالمی قیمه ایچیده بیر تیکیس ترقله‌دی. بونگه توز، مرج و زیره قوشیب، یخشی‌لب قوشه‌سیز. قیمه‌نگیز سیل‌لیکینه چیقسین دیسنگیز پیچه سوو سیوه‌لب، اره‌لشتیرینگ.
توگیلگن منتولرنی قاسقان‌نینگ یاغلنگن لبک‌لریگه بیر – بیریگه تیگمی‌دیگن قیلیب تیره‌سیز. بوغده پیشیش مدتی 40-45 دقیقه. دسترخوان‌گه تیارلش‌ده برماق‌لرینگیزنی ساووق سووگه باتریب ایسق منتولرنی اله‌سیز و لگن‌دلرگه تیره‌سیز. علیحده – علیحده ایدیش‌ده تیارلب بیریشنگیزهم ممکن، یوزیگه قتیق سیوه‌لی‌سیز، علحیده ایدیش‌ده اوزوم سرکه‌سی کیلتیریب قویه‌سیز.
منتو تیارلش‌ده خمیر اوچون 500 گرام اون، 1ته تخم، 0.5 ستکن ایلیق سوو، 1 چای قاشیق‌ده توز، قیمه‌سی اوچون 1 کیلگو گرام گوشت‌نینگ لمی، 100 گرام دُنبه یاغی 150 گرام چروی، 500 گرام پیاز، 1 چای قاشیق‌ده مرچ و شونچه زیره آلینه‌دی. ایسلتمه: یقین تیریلگن منتولر پیشگن‌ده سیمریب بیر – بیریگه یاپشیب قاله‌دی.
منتو قازانی یاغلنمسه منتو آستی نینگ کوپچیشی قیین بوله‌دی، شکلی بوزیلیب، تیتیلیب کیته‌دی. سووی قینمه‌سدن آلدین قوییلگن‌ده خمیرلی تاوه‌گه یاپیشیب قاله‌دی. سووی قینه‌گچ، توز سیپیش کیره‌ک، شونده بوغ‌نینگ حرارتی کوچلی‌راق بوله‌دی. انه شونده‌ی اصوللرنی نظرده توتسنگیز عایله‌نیگیز یخشی‌لب منتو تیارله‌گن بوله‌سیز. اوزبیک خانه‌دانلریده دایم یوقاریده ایسله‌تیلگن نرسه‌لر انابت‌گه آلینیب، اوزیگه خاص لذت‌گه ایگه منتو تیارله‌نیب تناول قیلینه‌دی.
