پایتخت کابلده افغانستان تورکلری مدنی نهادلریدن بیر قطاری 2- دلو سلاموطندارنینگ اوزبیکچه بولیمی بیر ییللیگی مناسبتی بیلن کتته اولتیریش اوتکزیب، مذکور رسانه اوزبیکچه خذمتی نینگ بیرییلده بولیب اوتگن ایشلرینی آلقیشلهدیلر.
اولتیریشده اشتراک ایتگنلردن، سلاموطندار رسانهیی تشکیلاتی نینگ اوزبیکچه بولیمی فعالیتیگه قرهتیب آلقیشلرگه سزاوار بیلیب، ملی رادیو- تلویزیون اداره سی ایشلرینی تنقیدگه آلدیلر.
اشتراک چیلرنینگ ایتیشلریچه، اوتمیش 14 ییلده افغانستان ملی تیللریگه دولت هیچ قندهی بیر توجه کورستمهگن و ملی تیلویزیون ادارهلریده بو تیللر تحقیرلنیب کیلگن بیر حالده، نادولتی بیر رسانه اوزیگه رسالت بیلیب، افغانستان اوزبیکلریگه خذمت قیلیش نیتیده، اوزبیکچه بولیمینی آچگن.
کابل بیلیم یورتی اوقیتوچیسی و افغانستان تورکلری مدنی نهادلریدن بکاول باشلیک قیلیب صحبتگه چیقیش قیلگن پوهنیار حمیدالله تاداش نینگ ایتیشیچه، سلاموطندارنینگ اوزبیکچه بولیمیده توجه قیلگنی نه فقط بو قتلم اوچون فرصت بیرگن بلکیم، افغانستان تورک خلقی توجهلری و آلقیشلرینی ازویگه قرهتگن.
او، باشقه نادولتی رسانهلردن هم شونقه فعالیت کورستیب مملکت بویلب خلقگه خذمت قیلیش نیتیده چین کونگیلدن حرکت قیلیشلرینی ایستهدی.
سوزگه چیقیش قیلگنلردن باشقه بیری پارلمان سابق منشیسی و سیاسی تحلیلچی سردار محمد رحمن اوغلی، افغانستاندهگی قوملرنینگ بیر ملت بولیشی اوچون بیرینچیدن اوز ارا بیراونی تانیش، قوملر بارلیکلرینی قبول قیلیش و اوندن کیین بیر ملت بولیشیگه امکانیت یرهتیلیشینی اورغولهدی.
جناب اوغلی مدنیت و بیلدیریش وزیرلیگی نینگ تیللر بوییچه توجه سیزلیگینی قارهلش یانیده نادولتی رسانهلردن بیرقطاری مذکور تیللرگه توجه قیلیشلرینی آلقیشگه سزاوار بیلهدی.
باشقه بیرتاماندن انترنیوز اورین باسری کاوه آهنگرنینگ بیلدیریشیچه، افغانستان نقاشلنگن بیر صورتگه اوخشیدی. مذکور صورت، هر بیر ییریدهگی نقش بولگن گوزهلیکلرنی کوتاریب تشله گن حالده، نقاشلیک صورتیمیز کمچلیلکلرگه روپهره بولهدی.
جناب آهنگر مملکت بولیب قوملرنینگ هر بیرینی بیر باغدهگی چیچک تورخلریگه اوخشته تمثال قیلهدی.
بوندن مقدم 14 آی آلدین میلادی (2014) دسمبر آییدن باشلب سلاموطندار رسانهیی تشکلاتی، افغانستان تورکلری اوچون اوزبیکچه بولیمینی 5 دقیقه خبربیلن باشلهدی.
زمان اوتیشی بیلن ایچکری و تشقریدن سلاموطنداردهگی اوزبیکچه بولیمی آچیلگنلیگی خوش قرشیلنه باشلنگنی دلیل، 2015- ییل فبروری آییدن باشلب بو رسانه آنلاین بولیمی هم اوز فعالیتینی اوزبیکچه بولیمیگه باشقه تیللر قطاریده باشلهدی.
14 آی مابینیده، سلاموطندار رسانهیی تشکیلاتی اوزبیکچه بولیمینینگ 20 دقیقهلیک ایکی خبری دستور «چاپار» نامی بیلن و گوگلپلس، تیوتر و فیسبوک خذمتلرینی اوزبیچه سایت یانیده ایجاد ایتیلیب خذمت قیلیشگه باشلندی.
عین دمده، کیلهجکلرده سلاموطنداردن اوزبیکچه بولیمی یوکسلیشی اوچون افغانستان تورکلریگه تیگیشلی قطار مدنی نهادلر سلاموطندارنی آلقیشلری بیلن خوش قرشیلهدیلر.
