.jpg)
فرشته نینگ خانهدانی بامیان ولایتیده، لیکن اوزی اوقیش اوچون کابل کیلگن. او بیرمرته خصوصی بیلیم یورتلردن بیریده لیسانس درجهسیگه قدر تحصیل کورگن. ایتیشیچه، افغانستان امیریکه بیلیم یورتیده کیلیشنی کیلهجگینی یاروغلیک تامان آلیب باریش دیب بیلهدی.
بامیانلیک فرشته متین نینگ ایتیشیچه، اونگه اوخشهگن ولایتلردن کیلگن اوقووچیلر اوچون مذکور بیلیم یورت کوپلب امتیاز نظرده توتگن. اونگه کوره، افغانستان امیریکه بیلیم یورتی ولایتلردن کیلگن طلبهلرنی تافل سیناویدن آز نمره آلگن حالده هم اوقیشگه رخصت بیرهدی. «بوطلبهلر ایکی سمستر بیلیم یورت تامانیدن انگلیسچه اورگهنیشلری بیلن ینهده بیلیم یورتگه یول تاپیش سیناوینی اوتکزهدیلر.»
فرشته اوز تجربهسیدن گپیرهدی. او، بیلیم یورتلرده ایسکریب کیتگن درسلیک شیوه سیدن اینجیگن لیگینی تیلگه آلهدی، بیراق افغانستان امیریکه بیلیم یورتی ایسه ینگی شیوهلر بیلن دنیانینگ تانیقلی بیلیم یورتلریدن درسلیک شیوهلرنی کیلتیریشی بیلن اوقووچیلرنی قانیقتیرگن.
بیگم متین نینگ ایتیشیچه، مذکور بیلیم یورت اوقیتوچیلری دنیانینگ تانیلگن بیلیم یورتلریده تحصیل کورگنلر و ینگی شیوهلر بیلن طلبهلرگه اورگهتیب فعال و چقان تربیه قیلهدی. اونینگ ایتیشیچه، اوقووچیلر هر سمستر سونگیده مونوگراف یازهدیلر. درحالیکه باشقه بیلیم یورتلر طلبهلری تحصیل اداغیده بیر مقاله یازهدیلر.
.jpg)
نیچه پیت آلدین افغانستان امیریکه بیلیم یورتی قانلی بیر هجومگه گواه بولدی، بیراق ینه تیزدن اوز فعالیتلرینی دوام بیره باشلهدی.
فرشته متین نینگ ایتیشیچه، مذکور بیلیم یورت اورگهتیش یانیده طلبهلریگه تحصیل اداغیگه قدر اوز رشتهسیده یخشی تجربه آلیش اوچون ایش زمینهسینی هم یره تهدی.
او مذکور بیلیم یورتنی خاتین قیزلر اوچون تینچ محیط دییه بیلهدی و ایتیشیچه، اوشبو بیلیم یورت قیز طلبهلرگه ارزش بیرهدی و تینچ محیط سبب بولهدی افغانستان هرنقطهسیدن بولسه قیزلرنینگ خانهدانی مذکور بیلیم یورتگه اوز بالهلرینی اوقیشگه ترغیبلیدی.
فرشته نینگ ایتیشیچه، مذکور بیلیم یورتده کیلیب کیریشی بیلن بیر اوقووچی بیلهدی اونینگ حقیگه حرمت بیریلهدی. او افغانستان امیریکه بیلیم یورتینی کیلگوسی رهبرلری اوچون توزهتیلگن دیب بیلهدی و ایتیشیچه، مذکور بیلیم یورت ییگیتلر توشینچهسینی ینگیلش و اولرگه اوزگریش کیلتیریش اوچون تلاش قیلهدی.
