اورپا اتفاقی بشر حق حقوقلری مکافاتی (ساخاروف) اوتگن کون سعودی عربستان یشاووچیسی بولگن وبلاکچی رایف بدویگه بیریلدی. 31 یاشلی مذکور وبلاکچی بوندن اوچ ییل آلدین مذهبی چیکلاو سبب حبسگه آلینگن ایدی.
جناب بدوی «سعودی لیبرال ترماغی»نینگ اساسچیلریدن، او 2012- ییلده حبسگه آلینگن ایدی. بدوی بیرینچی محکمهده ییتی اوچ آی قمهلیشی همده 600 شلاق اوریلیشی حکم ایتیلگن ایدی. لیکن ایکینچی محکمه ایسه اونینگ اون یییل آزادلیکدن محروم ایتیلیشی و بیر مینگ دُره اوریلیشیگه حکم چیقارگن.
اوشبو مکافاتنینگ ایکینچی نامزدی روسیه سابق جمهور رییسینینگ اورین باسری بوریس نیمتسوف بولگن. او، جمهور رییس ولایدیمیر پوتیننی نقد قیلگنی باعث اوشبو مکافاتنی قولگه کیرتیش اوچون نامزد بولگن و باشقه بیر نامزد ایسه ونزیولا دموکراتیک اپوزسیونی اعضاسی بولگن. ایتلیشچه، مذکور حزبنینگ نیچه اعضاسی آزادلیکدن محروم ایتیلگن و باشقه اعضالری ایسه اویلریده نظارت آستیگه آلینگن.
ساخاروف مکافاتینینگ سابق برندهلری میانمارلیک آونگ سان سوشی و جنوبی افریقانینگ فقید رهبری نیلسون ماندیلالردن عبارت بولگن.
ساخاروف مکافاتی بیریلیشی میلادی 1988- ییلده اروپا اتفاقی تامانیدن تصدیقلندی و مذکور مکافات انسان حق و حقوقلری بوییچه مهم ایش قیلگنلرگه بیریلهدی.
