عالملرنینگ هندوستاندهگی مشهور تاج محلنینگ آق مَرمَری نیمه اوچون سَرغیب بارهیاتگنینی انیقلهدی. 350 ییللیک آبدهنینگ رنگی اوزگریب باره یاتگنی ازلدن عیان ایدی.
آخیرگی ایزلنیشلر عاشقلر تمثالیگه ایلگن بو مقبرهنی عینن قندهی محافظه قیلیش کیرهک لیگیگه آیدینلیک کیریتدی.
عالملرنینگ ایتیشیچه، عادی چنگ توزان، اوتین و اخلتنی یاقیش تاج محلنینگ آق مَرمَردن ایشلنگن گمبذی و منارهلرینی آچ جگر رنگ – سرغیشگه سالهیپتی.
17- عصرده قد کوتارگن مقبره هندوستان شمالیدهگی تیربند صنعت شهر اگرهده جایلشگن.
کوپلر هوانینگ افلاسلهنیشی تَنیقلی عمارتنینگ رنگینی آلهیپتی، دیب کیلر ایدی. بیراق ویسکانسین بیلیم یورتی، جارجیه تکنالوژی انستیتوتی و کانپور تکنالوژی انستیتوتی بیر ییل آلیب بارگن ایزلش انیق سببلرنی ایزلب تاپدی.
تدقیقات اوچون عالملر تاج محلده صاف آپاق مَرمَرنی ایکّی آیگه قالدیرگن. سونگ تاشنی لابراتوارده تیکشیرگن. کانپور تکنالوژی انستیتوتی پروفیسور تریپتی تاثیر قیلووچی ماشینهلرده ایشلهتیله دیگن دیزل، بنزین اینگ کوپ قاره توتون ترقهتهدی.
لیکن کونلر ساووگنیدن کیین آدملر قولیگه توشگن نرسهنی یاندیریب ایسیتیشگه حرکت قیلهدی. خانهدانلر اوتین یاقیلسه، کوچهلرده تَپی و اخلت یاقیلهدی، انه شو توتون عمارتگه ییتیب بارهیپتی، دیدی عالم. فعاللر بیر نیچه ییلدیرکه، اگره ده هوا افلاسلهنیب باره یاتگنی، عاقبتیده تاج محلنینگ رنگی اوچیب باره یاتگنی حقیده آگاهلنتیریب کیلهدی.
آخیرگی 10 ییلدن بیری مقبره اطرافیدهگی 500 متر میدانگه مشینهلر یولهتیلمیدی. شونگه قرهمی، 2010- ییلده عیان بولیشیچه، صناعت رواجلنگن، اهالی سانی آشگنی یا ترافیک تیغیز بولیب بارگنی سَری اگرهنینگ هواسی تاباره بولغنهیپتی.
دهلیلیک متخصص راتیش ناندا 350 ییللیک عمارت ایسکیریشی مقرر، دیه ایسلتدی. لیکن عالملر اعتباری یا کوپراق مالیه ضرور ایکنینی هم تن آلدی.
1994- ییلدن بیری عمارتگه مخصوص لای سورکیب، کیین سیدیریب آلینهدی. اوتگن ییلنینگ یازیده منه شوندهی اصول تورتینچی بار قوللنگن، لیکن عالملر بو یاندهشوونینگ هم زیانی بولیشی ممکن، دیدیدی.
2013- ییلده سَلکم آلتی میلیون آدم مقبرهنی زیارت قیلگن. بابریلر سلالهسینینگ اینگ نادر میراثی، هندوستان معماری آبدهنینگ گوهری حسابلنهدی تاج محل.
