18- حمل ایرتهلب، افغانستان کوچلی شاعر و یازووچیسی محمدعمر فرزاد بلخ ولایتیده بیر ترافیک حادثه آرقهلی حیاتدن کوزیومدی.
صادق عصیان، جناب فرزاد یاردمچیلریدن بیری نینگ ایتیشیچه، استاد فرزاد ایش دفتری تامان کیتیش بیرچاغده، موتر سایکل بیلن توقنه شیب نتیجهده کسلخانهده جان بیرگن.
جناب فرزاد، 1322- قویاش ییلی مزار شریفده توغیلگن. او، کوپ زمان بلخ دولتی مطبعهسی باشلیغی حیثیده ایش آلیب بارگن. اولکه حاضرگی شاعر و یازووچیلریدن کوپیسی، استادنی اوی- فکری و رهنمودلیگی بیلن تربیه لنگنلر.
اولکه ادیب و فرهنگیلری، استاد فرزادنی اورین بوشهتیشی افغانستان فرهنگی جامعه سیده چیکسیز ضایعه بیلهدیلر و جناب فرزاد حیاتی باریچه ادب و فرهنگ خصوصیده ییریک خذمت قیلگن ایکن لیگینی تیلگه آلدیلر.
ایتیلیشیچه، استاد فرزادنی نیچه چاپ بولمهگن ادبی و تحقیقی یازگن اثرلری موجود.
