بالهلر ادبیاتی بوتون کورینگن صورتده، خلق ارا ادبیاتیدن اجرهلمس سنلهدی. شو یوزهدن، خلق ارا ادبیاتی شعردن حکایه گه باغلهنیب تأریخ بوییچه اوزگریش کیریتدی و شونینگدیک، بالهلر ادبیاتی حکایه تامان آغیرلیگینی تشلهدی.
عین حالده، افغانستانده بو ماجرا بیر آز فرق قیلهدی، چونکه شعر و حکایه حوزهسیده بویوکلر اوچون ادبی ایشلر بولگن، لیکن بالهلر ادبیاتی اوچون حاضرگچه خاص بیر ایش بولمهگن.
شو توشونچه اساسیده، کابل بیلیم یورتیده افغانستان معلومات مرکزی (ACKU)، بوگون «بالهلر و اوسمیرلر رُمانی بیرینچی ادبی بیرهمی» نامیده بالهلر ادبیات بیرهمینی یولگه قویگن. اوشبو ییغینده، ایلگریدن داور هیأت تامانیدن تیکشیریلگن فارسی و پشتو تیللریده بولگن کوپینچه اثرگه قیته تیکلندی و اوندن سونگ، اولرنی ایچیدن 8 یخشی اثر یا-ده رُمان ساورین صاحبی بولدی. هر غلبه قازانگن کیشی اوچون تعیین ایتیلگن ساورین 1000 امریکا دالری ایدی.
اوشبو بیرهم ده بیرینچی مقامدن سکیزینچی مقام گه ایگه بولگن کتابلر بولردن عبارت:
بیرینچی: فارسی تیلیگه زهرا نعیمی تامانیدن یازیلگن «معجزۀ موسی» اثری.
ایکینچی: فارسی تیلیگه فریده محبی آرقهلی یازیلگن «شهزاده و کتاب سرنوشت» اثری.
اوچینچی: فارسی تیلیگه سمیعالدین عمار تامانیدن یازیلگن «جلاه در آنسوی راه شیری» اثری.
تورتینچی: فارسی تیلیگه رضا پارسا تامانیدن یازیلگن «شهریار» اثری.
بیشینچی: پشتو تیلیگه محبالله زغم تامانیدن یازیلگن «کبی مونوک» اثری.
آلتینچی: پشتو تیلیگه نعیمه غنی آرقهلی یازیلگن «سوله او طبیعت» اثری.
ییتینچی: پشتو تیلیگه گلرحمن رحمانی آرقهلی یازیلگن «د پیریانو کلی» اثری.
سکیزینچی: پشتو تیلیگه عبدالله الهام تامانیدن یازیلگن «لارشوود» اثری.
افغانستان معلومات مرکزی، داور هیأت تامانیدن تنلنگن کتابلرنی هر بیریدن 4 مینگ نسخه نشر قیلگن.
