.JPG)
بالهلر نقشالیک متخصصی صنعتچی حمید رضا خواجه محمدی، ایراندهگی افغانستانلیک مهاجر گودکلر رسمالیک اثرلرینی ییغیب هراتده "تینچلیک ودوستلیک" نامیده نقاشلیک کورگرمهسینی آچگن.
سلام وطندار ترماغی بیلن مخصوص صحبت اوتکزگن جناب خواجه محمدی، ایراننینگ تربتجام مهمان شهر اردوگاهیده قیسقه مدت افغانستانلیک مهاجر بالهلر وایرانلیک گودکلرگه نقاشلیک صنعتنی اورگتگنلیگینی ایتگن. سونگ شاگردلریدن تینچلیک و دوستلیک موضوعگه عاید رسمالیک قیلیشلرینی سورهگن. آخیرگه کیلیب، جناب محمدی افغانستانلیک مهاجر گودکلر اثریدن 30ته و ایران بالهلری قولیده چیزیلگن اثرلردن 30تهنی تنلب، هراتده تینچلیک و دوستلیک نامی آستیده ییریک کورگزمه آچیشگه سعی وحرکت باشلهگن.
.JPG)
ایرانلیک مذکور هنرمندگه کوره، تینچلیک و دوستلیک بالهلرنینگ اساسی بیر خصلتلریدن حسابلنهدی. او، بالهلر قالهویرسه مهاجر بالهلرگه نقاشلیک یولی بیلن هر قندهی توقنشو و زورانلیکلردن اوزاقده سقلهنیشلریگه اولگورگن لیگینی ایتهدی.
.JPG)
مذکور اثارلرده کوپراق یاروق رنگلر ایشله تیلگن. بواثرلرده کوپراق تینچلیک، صمیمیت و سیوگی پیامی عکس ایتیریلگن. اوشبو قول صنعتلری 6 یاش دن 16 یاشگچه بولگن بالهلر تامانیدن یرهتیلگن.
.JPG)
هرات ولایتیده ایران وکالتخانهسینینگ فرهنگی و مدنی بولیم مسوولی سیدمحسن سادات کیایی، مذکور کورگزمهده اشتراک قیلیب ایتیشیچه، بو قبیل کورگزمهلرنی اوتکزیش ایران بیلن افغانستان علاقهلرینی مستحکملب موجود فاصلهلرنی بر طرف ایتهدی دیگن.
.JPG)
هرات اخبارات و مدنیت ادارهسی نینگ باشلیغی آریا رووفیان، افغانستانلیک مهاجر بالهلر و ایرانلیک گودکلر تامانیدن یرهتیلگن هنری اثرلر، بلاغتگه ییتمهگن گودکلر روحیگه ایجابی تاثیر قالدیریشدن علاوه، ایکّی مملکت دوست و براردلیگینی بوندن هم کوره، کوپراق مستحکم لیدی دیگن.
کورگزمهگه بارگن بیر قنچه کیشیلر، افغانستان و ایران بالهلری قولیده یرهتیلگن نقاشلیک اثرلر ایکّی مملکت خلقی بالهلری حیاتینی کمسیتمسلیک و شفقت سیزلیک بیلن یاندهشیلمسلیک اوچون انیق پیام بیرهدی دیگنلر.
