سرپل حاکمی عبدالقادر آشنانینگ ایتیشیچه، ناقانونی قورالی قومندانلردن بیری مهدی مجاهدنینگ بلخاب تومنیدن قاچیب کیتگنیدن سونگ، تنبل گه تانیلگن محمدانور اوشبو تومنگه باریب تاریخی و باستانی اثرلرنی قازیب و قاچاق ایتیش بیلن شغللنگن.
سرپل حاکمی گه کوره، ولایتی کینگش اعضالری و قوم بویوکلر تامانیدن شکایت ایتیلگندن سونگ، تنبل آتلی ناقانونی قومنداننینگ تاریخی اثرلرنی اوغیرلشیگه توسیق بولیش اوچون امنیتی کوچلرگه دستور بیریلگن.
سرپل ولایتی کینگش اورین باسری سید اسدالله دانشنینگ سلاموطندارگه ایتیشیچه، مذکور ولایت بلخاب تومنیده ناقانونی قومندان محمدانور، باستانی و تاریخی اثرلرنی تالان قیلهدی.
سرپل ولایتی کینگش اورین باسری گه کوره، مرکزی حکومتنینگ دقتسیزلیگی باعث، ناقانونی قومندانلرنینگ فعالیتی کوپهیگن.
بو توغریده مذکور ناقانونی قومنداننینگ فکرینی آلیش اوچون سعی و حرکت قیلدیک؛ بیراق بلخاب تومنیده مخابراتی قیینچیلیکلر بولگنی باعث موفق بولمهدیک.
