مملکت شمالی ولایتلریدن بیری سرپل ولایتیده 200 تأریخی آبده جایلشگن و بو جملهدن 24 تأریخی آبده مدنیت و معلومات وزیرلیگیده رویخطگه آلینگن و باشقه 176 آبده بو وزیرلیکده رویخطگه آلینمهگن.
سلاموطندارگه صحبت بیرگن سرپل مدنیتچیلریدن بیرقطاری نینگ ایتیشیچه، اوشبو ولایتده بولگن تأریخی آبدهلر و ایسکی اثرلر دولت نینگ دقتسیزلیگی باعث، نابودلیک خطری گه روپهره بولیب تورگن.
سرپل ولایتی نینگ مدنیت و معلومات ریاستیده تأریخی آبدهلرنی سقلاوچی مدیری سیداحمد حیدری نینگ سلاموطندارگه ایتیشیچه، مدنیت و معلومات وزیرلیگیده رویخطگه آلینگن 24 تأریخی آبده جملهسیدن یالغیز بیرتهسی سرپل مرکزیده جایلشگن خواجه محمد خطیب نامیده جاری ییل اساسی شکلده قیتهقوریلگن و باشقهسی نابودلیک عرهفهسیده دیر.
اونگه کوره، تأریخی آبدهلر بولیمینینگ متخصصلری، جاری ییل تیکشیروولریدن سونگ، تأریخی آبدهلرنی قیتهقوریش خرجتینی مالیه وزیرلیگی بیلن شریک قیلگن؛ بیراق حاضرگهقدر توللنمهگن.
مدنیت و معلومات وزیرلیگیده رویخطگه آلینگن سرپل ولایتی نینگ تأریخی آبدهلری بولردن عبارت:
- شهید زید اوغلی حضرت یحیا مقبرهسی
- عیدگاه مسجدی
- خانقاه مسجدی
- حضرت خضر مسجدی
- کته امام مقبرهسی
- خواجه محمد خطیب مقبرهسی
- امام جعفر مقبرهسی
- سلطان محمد دیوبند مقبرهسی
- پادشاه قیزی نینگ مقبرهسی
- پستهمزار زیارتی
- بالاحصار سرپل
- بالاحصار سانچارک
13. بالاحصار قهقه
14. انگشتشاه کافر قلعهسی
15. ترپچ تأریخی قلعهسی
16. میر سیدعلی آغا
17. چهارسم باستانی منطقهسی
18. لنگرشاه عبدالله
19. سرپل مرکزیده لغمان باستانی منطقهسی
20. سرپل مرکزیده خشت کوپریک
21. کیچیک امام یانیده جوره چنار
22. کتهقلعه
23. بودنهقلعه
24. چهل دختران
