دنیا بویلب انگلیس تیلی تانیقلی یازووچیلریدن بیرقطاری و اثرلری اوشبو تیلگه ترجمه بولهدیگنلر ایچیدن نتیجهده، «منبوکر» نینگ 50 مینگ پوندلیک ساورینینی قولگه کیریتیش اوچون آلتی نامزد تنلندی.
«منبوکر» ادبی ساورینینینگ دستلب نامزدلری بولر ایکن: ان تیلر، جسنیا یاناگیهارا، مارلون جیمز، چیگوزی اوبیوما، سانجیو سوهوتا، مککارتی، بیک کلگ، ان انرایت، لیلا لالامی، اندرو اوهاگان، مریلین رابینسون، آنا اسمیل و انورادا روی.
بو جملهدن اینگ یخشی آلتی یازووچی سونگی باسقیچگه یول تاپگنلر؛ امیریکهلیک یازووچی جسنیا یاناگیهارا «کیچیک حیات» اثری بیلن، نیجریالیک یازووچی چیگوزی اوبیوما «بلیغ آلیش» اثری بیلن، جاماییکالیک یازووچی مارلون جیمز « ییتی اولیم تاریخی» اثری بیلن، امیریکهلیک ان تیلر «قرقره نخ آبی» اثری بیلن، بریتانیالیک تام مککارتی «ساتن ارالی» اثری بیلن و بریتانیالیک سانجیو سوهوتای «قاچگن لر ییلی» اثری بیلن، میلادی 2015- ییل منبوکر ساورینی اوچون تنلنگن یازووچیلر دیر.
اوشبو ساورین هر ایکی ییل ایچیده، دنیا بویلب ادبیات خصوصیده اونملی و کینگ فعالیت قیلگن یازووچیلرگه بیریلهدی. بیر یازووچی، ایکی ترقهتووچی، بیر ادبیاتچی، بیر کتاب ساتووچی، بیر کتاب سقلاوچی، من گروهی نمایندهسی و بوکر بنیادینینگ اوچ نمایندهسی، منبوکر ادبی ساورینینینگ کمیته هیأتی اعضاسی دییلهدی.
میلادی 1969- ییل یعنی منبوکر ایجاد ایتیلگنیدن، اوتکن میلادی ییلگچه، یالغیز بریتانیالیک، ایرلند و زیمبابوه مملکتلری یازووچیلری اوشبو بیلشووگه اشتراک ایتیشگه حق دار ایکن. بیراق میلادی 2014- ییلدن بویان هر ملیتدن بولگن یازووچیلر بوکر ادبی ساورینینینگ قولگه کیریتیش اوچون ایرکین صورتده اشتراک ایتهآلهدی.
اوشبو ساورینگه ایریشگن کیشینینگ آتی، 13- اکتبرده بیللی بولهدی.
