تنیقلی اوزبیک شاعری و جماعت اربابی. 1936 ییل نینگ 28 دسمبریده آلتی اریق تومنیده اوقیتووچی عایلهسیده توغیلگن. توقّیز یاشیده آتهسیدن، بیر ییلدن سونگ آنهسیدن اجرهلگن. تاشکینتلیک تاغهسی کریمبای صاحبوف قولیده تربیهلنگن. تاش دو (حاضرگی اوزمو) نینگ اوزبیک فیلولوژیسی فاکولتهسیده (1955-1960) تحصیل آلگن.
اوزبیکستان خلق شاعری (1987)، اوزبیکستان قهرمانی (1999)، دراماتور و جماعت اربابی واحدو ایرکین واحداویچ «یاش گواردیه» نشریاتیده محرر، باش محرر (1960-63؛ 1975-82)، غفور غلام نامیدهگی ادبیات و صنعت نشریاتیده محرر، باش محرر، (1963-70)، دایریکتر (1985-87)، «یاشلیک» ژونالی باش محرری بولیب ایشلهگن.
ایلک شعري توپلمی -«تانگ نفسی» 1961 ییلده نشر ایتیلگن. «قوشیقلریم سیزگه» (1962)، «یورهک و عقل» (1963)، «مینینگ یولدوزیم» (1964)، «محبت» (1976)، «کیلهجککه مکتوب» (1983)، ایکّی جلدلی سهیلنمه «محبتنامه» و «صداقتنامه» (1986)، «کوی اوجیده اوزیلمهسین تار» (1991)، «یخشی دیر اچّیق حقیقت» (1992) اثرلریگه کیرگن داستان و شعرلریده زمان داشلریمیز حیاتی، قووانچ-اضطرابلری توغریسیدهگی حقیقت یوکسک صمیميت و مهارت بیلن ترنم ایتیلگن.
تاشکینت زلزلهسی واقعهلری بیلن باغلیق «پلاتکده یازیلگن داستان» (1966) ده خلق نینگ ثبات-متانتی، روحي عالمینینگ گوزهللیگی، خلقلر دوستلیگی افادهلنگن. «یاشلیک دیوانی» (1969) ده ممتاز ادبیاتینینگ اینگ یخشی عنعنهلرینی دوام ایتتیردی، کهنه غزلگه ینگی زمانوي روح بغیشلهدی. 70-ییللر نینگ آخری 80-ییللرنینگ باشیده حیاتده روی بیرگن اوزگریشلر، ینگیلهنیشلر شاعرنینگ «تیریک سیارهلر» (1978)، «شرقي قیرغاق» (1982)، «بیدارلیک» (1985) کبی توپلملریگه کیرگن شعرلریده اوز افادهسینی تاپگن.
شاعر انسان روحیتی نینگ نازک و ایلغش مشکل منظرهلرینی تأثیرچن عکس ایتتیرهدی. آدمنی کامل کورماق ایستهگی اونینگ شعرلری اساسینی تشکیل قیلهدی. (1964)، «پلاتکده یازیلگن داستان» (1966)، «چراغبان» (1970)، «روحلر عصیانی» (1980)، «کوهنور» (1982) کبی داستانلر یازگن.
«آلتین دیوار»، «استانبول فاجعهسی»، «ایکّینچی تومار» کبی درامهلر مؤلفی.
س. ایسینین، ه. تورداوسکي، م. اقبال، گ. ایمین، ر. حمزهتوف شعرلرینی، گیاتی نینگ «فاوست» اثرینی اوزبیک تیلیگه ترجمه قیلگن. 1999 ییلده اوزبیکستان قهرمانی عنوانیگه سزاوار بولدی.
ایرکین واحداو شعریتیده 20-عصر نینگ 2-یریمینینگ معنوي محیطی بدیعي تحلیل ایتیلهدی. اونینگ شعری حیات گوزهللیگی معرفتینی کشف قیلیب بارهدی. ضدیتلی، مرکّب دنیاده انسان نینگ اصیل اورنی و یشهماق نینگ اصیل معنا-مضمونینی انیقلهیدی. ایرکین واحداو شعریتیده انسان شونیسی بیلن قیمتلی که، او حیات نینگ اچّیق حقیقتلریدن، قرهمه-قرشیلیکلریدن، حیات دیالوگیدن اصلا کوز یومّهیدی، یوز اوگیرمهیدی، بلکه شو تینیمسیز حرکتدهگی دیالوگ ایچیده حیات آقیمیگه، اطراف محیطگه، اوزینی قورشهگن بارلیققه دَدیل، متانت بیلن فعال تأثیر کورسهتیشگه اینتیلهدی. شاعرنینگ شعریتیده دورنینگ بیزاوته، ایزلاوچن روحی اوزیگه خاص، تکرارلنمس سیمالرده عکس ایتهدی. اضطرابلی اویلر، اوتکیر پوبلیسیستیک روح، کیسکین کنایهلی آهنگ بیلن تولیق ییتوک اثرلریده اوز دوری نینگ عدالتسیز توزومیدن ناراضیلیک، اجتماعي تورغونلیک، ایگهسیزلیک، قولچیلیک، مشعوم یکّه حکمرانلیک و مکارانه کورینیشدهگی استبداد نیرنگلریگه قرشی عصیانکار و طغیانلی سوزینی ایتهدی. ملت نینگ اویغآنیشی، اوزینی تنیشی، معرفتلی عالمده باشقه ایلغار خلقلر قطاریدن اوز تاریخي اورنینی تاپیشی اوچون قیغورهدی. آزادلیک، ضیالیلیک و حقیقت ایرکین واحداو ایجادی نینگ ییتکچی غایهلری دیر.
بو جهتدن ایرکین واحدوف بیهبودي، چولپان، اولاني، قادري سینگری معرفت پرورلرنینگ 60-ییللردهگی ایجادي دوامچیسی صفتیده میدانگه چیقدی.
ایرکین واحدوف نینگ «آرزو چشمهسی»، «ندا» (1964)، «قویاش مسکنی» (1970)، «بخمل» (1974)، «روحلر عصیانی» (1978- 79)، «تاشکینت صداسی» (1983) کبی اثرلری اوزبیک داستانچیلیگی نینگ ییتوک نمونهلریدن دیر. «روحلر عصیانی»ده آتشین بینگل شاعری نذرول اسلام سیماسی آرقهلی وطن آزادلیگی و ملي استقلال غایهلری ترنم ایتیلگن. «اوزبیگیم» قصیدهسی (1968) کمونیستیک مستبد توزوم دوریده ملي اویغآنیشگه برکهلی تأثیر کورسهتدی. «دانیش قیشلاق لطیفهلری» تورکوم شعري اثرلری ساتسیل سَتیرهنینگ یارقین نمونهسی بولیب، اولرده خلقچیل مَتموسه سیماسی آرقهلی دور و حیات نینگ معلوم بیر حادثهلریگه اوتکیر کولگیلی، هجوی مناسبت بیلدیریلگن.
اوزبیکستان ملی مستقللیکنی قولگه کیریتگنیدن سونگ مملکتده باشلنگن معنوی-معرفی یوکسهلیش دوریده ایرکین واحدوف شعریتی نینگ اهمیتی ینهده آرتیب، یاروغ کیلهجککه ایشانچ، ملي قدریتلرگه حرمت همده وطن پرورلیک روحیده تربیهلهیدیگن یوکسک معنوی عامل بولیب خدمت قیلگن. ایرکین واحدوف دراماتور صفتیده هم ایلگه تنیلگن («آلتین دیوار» 1969؛ «استانبول فاجعهسی»، 1985 و «آلتین دیوار» کُمیدیده تورلی کامیک حالتلر تصویرلنهدی، انسان روحیتی نینگ طرفه خیل تاولنیشلری یینگیل کولگی قیلینهدی، «استانبول فاجعهسی»ده اثر قهرمانلری نینگ قسمتی دورنینگ اینگ مهم واقعهلری
2-جهان اوروشی، اوروشدن کیینگی اجتماعي-معنوي حیاتدهگی اوزگریشلر، معمالر بیلن باغلیقلیکده یارقین و تأثیرلی افادهلنگن.
ایرکین واحدوف نینگ «شاعرو شعرو شعور» (1987)، «اضطراب» (1992) کتابلریگه کیرگن مقالهلری، صحبتلری، ممتاز و حاضرگی ادبیاتیمیز نمایندهلری ایجادینی تحلیل ایتووچی تدقیقاتلری اوزبیک پوبلیسیستیکهسی و ادبیاتشناسلیگی رواجیگه مناسب حصه بولیب قوشیلدی.
او ای. گیاتی نینگ «فاوست» اثرینی، س. ییسینین نینگ شعرلرینی اوزبیک تیلیگه ترجمه قیلیب، علیحده کتاب حالیده نشر ایتتیرگن. بوندن تشقری ف. شیللیر، اقبال، الفت، ر. حمزهتوف، ل. اوکراینکه، ه. بلاک و باشقه تورلی خلقلر شاعرلری اثرلرینی هم اوزبیک تیلیگه ترجمه قیلگن.
ایرکین واحدوف اثرلری چیت ایل (آلمان، فرانسه، روس، انگلیس، اوردون، هند، عرب و ب.) همده قرداش تورکي خلقلر تیللریده («آلتین دیوار»، «سهیلنمه»، «ندا» و ب.) نشر ایتیلگن. اثرلری («آلتین دیوار»، «استانبول فاجعهسی») حمزه تیاتری، ولایت تیاترلریده صحنهلشتیریلگن، «آلتین دیوار» کُمیدی پاکستان نینگ لاهور شهری تیاتریده قوییلگن.
ایرکین واحدوف اوزبیکستان عالي کینگشی دیپوتاتی (آشکارالیک مسألهلری کمیتهسی رئیسی (1990-95) (1995) ییلدن اوزبیکستان عالي مجلسی دیپوتاتی و خلقارا ایشلر و پارلمانلر ارا علاقهلر کمیتهسی رئیسی بولگن.
ایرکین واحدوف «بویوک خدمتلری اوچون» نشانی بیلن مکافاتلنگن (1997). حمزه نامیدهگی اوزبیکستان دولت مکافاتی لاوریتی (1983) ایدی.
اوزبیکستان قهرمانی، خلق شاعری ایرکین واحداو نینگ سکّیز کتابدن ترکیب تاپگن «توله اثرلر توپلمی» نینگ دستلبکی تورت کتابی عمرنینگ تورت فصلینی افاده ایتووچی ایجاد نمونهلریدن عبارت بولیب، «بهار طراوتی»، «یاز حرارتی»، «کوز سخاوتی»، «قیش حلاوتی» دیب ناملندی. اوشبو 4 ته جلد شاعر حیاتلیگیده چاپ ایتیلگن ایدی. شونینگدیک، 2016 ییلی شاعر حقیده «ایرکین واحدوف زمانداشلری نگاهیده» توپلمی هم نشر ایتیلگن ایدی.
اوزبیکستان قهرمانی، اوزبیکستان خلق شاعری ایرکین واحدوف اوزاق خستهلیکدن سونگ 2016 ییل 30 می کونی کیچگه یقین وفات ایتدی. مرحوم نینگ جنازه مراسمی ایرتهگه بولیب اوتدی.
