مملکت ایچکی ایشلر وزیری نورالحق علومی افغانستان ده داعش نینگ عسکر آلیشی آلدی آلینیشیدن سوز بیرگن.
جناب علومی شنبه کونی یوز کونلیک برنامهسینی بیان ایتیش چاغیده ایتیشیچه، داعش گروهی افغانستانده گروهی ترماقلر آرقهلی عسکر آلماقده. اونینگ اورغولشیچه، امنیتی کوچلر مملکتده داعشنینگ عسکر آلیشی آلدینی آلهدی.
ایچکی ایشلر وزیری نینگ کوپیتیریشیچه، امنیتی کوچلرنینگ سعی و حرکتی باعث افغانستانده داعش گروهی مرکزلشهآلمیدی.
جناب علومی نینگ ایتیشیچه، داعش گروهی شامل، اوزبکستان، تاجکستان، قیرغیزستان، چیچن و پاکستان جنگریلری افغانستانده حربی پایگاه ایجاد ایتیش اوچون سعی و حرکت قیله دی، بیراق مملکت امنیتی کوچلری عصیانچیلرگه قرشی کورهشهدی.
بوندن آلدین هم، افغانستاننینگ ایریم منطقهسیده داعش گروهی عسکر آلیشی خصوصیده گزارش ترقهتیلگن ایدی. شونینگدیک جمهور رییس غنی هم افغانستانده اوشبو گروه حضوری توغریسیده آگاه لنتیرگن ایدی.
ایچکی ایشلر وزیری نینگ یوز کونلیک برنامهسی
امنیتی وضعیت یخشیلنیشی، مملکت چیگرهلرینی توسیش، ناقانونی قوراللی گروهلرنی قورال سیزلنتیریش، امنیتی ادارهلر اورتهسیده اویغونلیک ایجاد ایتیش، محلی پولیسنی کوچلنتیریش، اوتمیشلرده بیریلگن قورال جوازی قندهی صورتده تیکشیریلیشی، بنگی وارماده سیگه قرشی کورهشیش، ملی پولیس اوچون امکانیت تیارلش ایچکی ایشلر وزیرلیگی نینگ یوزکونلیک برنامهسیگه اورین آلگن اساسی موضوع لردن بولگن.
شونینگدیک ایچکی ایشلر وزیرینینگ شنبه کون خبری اولتیریشده ایتیشیچه، ملی پولیس قابلیتینی، پولیس صفیگه عیاللرنی جلب ایتیش، بالهلر و عیاللر برابریدهگی زوروانلیککه قرشی کورهشیش، اصلاحات کیلتیریش، اداری فسادگه قرشی کورهشیش، شفافیت، نظارت خانهلر، توقیف خانهلر، قماق خانهلرده انسان حقوقلری وضعیتی و امنیتی توزوم نی تیکشیریش خصوصیده کمیته ایجاد ایتیش و بنگی وارمادهسیگه قرشی کورهشیش توغریسیده منطقه و دنیا مملکتلری آرهسیده بیرگهلیک ایجاد ایتیش ایچکی ایشلر وزیرلیگینینگ باشقه بیر یوزکونلیک برنامهلریدن بولگن.
ایچکی ایشلر وزیرینینگ ایتیشیچه، ملی پولیس اوچون 5 ییللیک اوزاق مدتلی برنامه ایجاد ایتیش، توزوم لرگه اصلاحات کیلتیریش، قتناو یوللر وضعیتینی تیکشیریش، مملکت بویلب بنگی وارمادهسیگه قرشی کورهشیش توغریسیده ایکّی مینگ عملیات یولگه قوییلگنی مذکور وزیرلیکنی اوتگن 100 کونده قیلگن ایشلریدن دیر.
