.jpg)
لوگر ولایتی محلی رسمیلرینینگ ایتیشیچه، مذکور ولایتده 1632 ییر غاصبینینگ دوسیهسی قیتهتیکلش محکمهگه یوباریلگن.
اوتگن (دوشنبه کون) خبری بیر ییغینده سوزگه چیقگن لوگر والیسی سوزلاوچیسی سلیم صالحنینگ ایتیشیچه، پلعلم، محمدآغه، خوشی و برهکیبرک تومنلریده دولتی ییرلردن کمیده 17 فایزی غصبگه آلینگن.
جناب صالحنینگ ایتیشیچه، قطار جهادی قومندانلر، ملی کینگش نمایندهلری، ولایتی کینگش اعضالری و زورهوان کیشیلر اوشبو ییرلرنی غصبگه آلگن. جناب صالحگه کوره، حاضرگچه کمیده 1200 جریب ییر غاصبلردن آلینگن و بیرقطار کیشیلر جملهدن مذکور ولایت ییرلرینی کینگهیتیریش عمومی مدیری قولگه آلینگن.
شونینگدیک، مذکور ولایت امنیه قومندانی محمدداوود احمدینینگ ایتیشیچه، جمهور رییس غنی رسمی شکلده امنیتی کوچلردن محلی رسمیلر همکارلیگیده غصبگه آلینگن ییرلرنی غاصبلردن آلیب و جنایتچیلرنی قولگه آلیشلرینی سورهگن.
جناب احمدی، کیمسهدن آت توتمهیدی، بیراق ایتیشیچه، ییر غاصبلریدن کوپینچهسی ملی کینگش نمایندهلری و اولرنینگ تامانیدن حمایت بولهدیگنلر دیر.
.jpg)
گزارشلر اساسیده، لوگردهگی 145 مینگ جریب ییردن 17 فایزی غصب بولگن، 20 فایزینی اوستیگه دعوا بار و شونینگدیک، باشقه 20 فایزینی تقدیری بیللی ایمس.
شوندهی بیرحالده، انچه پیت آلدین، «افغانستان ایرکین اوی» ترماغینینگ معلوماتی اساسیده، افغانستاننی 18 ولایتیده بیر میلیون و 954 مینگ و 245 جریب ییر غصبگه آلینگن.
اوشبو ترماغنینگ گزارشی اساسیده، بو ییرلرنی غصبیگه کمیده 16 مینگ کیشینینگ قولی بار و اولردن هر بیری 10 دن یوزمینگ جریب ییرنی غصب قیلگن.
اوشبو ترماغنینگ معلوماتی اساسیده، اوتگن نیچه ییل جریانیده، کابل، خوست، ننگرهار، غزنی، هلمند و قندهار ولایتلریده اهل هنودگه تیگیشلی 90 فایزدن آرتیق ییر غصبگه آلینگن.
شونینگدیک گزارشنی کوپهیتیریشیچه، قطار قوملر اورتهسیده غصبگه آلینگن ییرلردن کوتریلگن قرهمه قرشیلیکلر نتیجهسیده، اونلرچه کیشی اولیب و یرهلنگن.
