هرات ولایتینینگ چشت تومنیده قوراللی طالبلر بیر موترنینگ یولاوچیلریدن 4 کیشینی اوغیرلگن.
سلام وطندارگه صحبت بیرگن چشت تومنینینگ ولسوالی سیدکریم زاهدنینگ ایتیشیچه، غور ولایتیدن هرات تامان کیتهیاتگن بیر موترنینگ یولاوچیلری درهی تخت منطقهسیده طالبان تامانیدن اوغیرلنگن.
جناب زاهدنینگ ایتیشیچه، طالبان نیچه ساعتدن سونگ 4 یولاوچینی اوزلری بیلن آلیب قالگن و باشقه یولاوچیلرنی قوییب یوبارگن.
چشت ولسوالیگه کوره، اوغیرلنگن یولاوچیلر هزاره بولگن و حاضرگچه اولرنینگ تقدیریدن خبر یوق دیر.
جناب زاهدنینگ ایتیشیچه، مذکور واقعه طالبان نظارتیده بولگن منطقهده یوز بیرگن.
طالبان گروهی حاضرگچه بو واقعه توغریسیده هیچ نرسه دیمهگن.
