فغانستان هر بیر قیشلاغی و محله سینینگ موسیقهسی اوزیگه خاص خصوصیتگه ایگه. فاریاب ولایتیده هم محلی قوشیق اوزاق زمانلردن بیری توی مراسملری و کیچه اولتیریشده اجرا ایتیلیب کیلهدی. اما، آخرگی وقتده فاریاب دین عالملر کینگشی نینگ قراری اساسیده محلی موسیقی و چالغو اسبابلری چَلینیشینی منع قیلگن. ولایت دین عالملر کینگشی نینگ بو قراری محلی موسیقه نینگ استه سیکین نابود بولیشیگه سبب بولگن.
کنشکا رویا، فاریابلیک محلی آواز خوانلردن. او، خلق ایچیده تَنیلگن اشوله چیلردن. کنشکا، اون ایکی ییلدن بیری آماتور شکلیده اهالی بیرهملریده آواز خوانلیک قیلهدی. کنشکا، بیر ییلدن بیری هیچ بیر توی مراسمیگه چقیریلمه گنلیگی همده موسیقه آرقهلی هیچ قندهی درآمد قولگه کیریتمهگن لیگینی ایتهدی.
فاریابلیک محلی آواز خوانلر ولایتدهگی جاری وضعیتدن جدی خواطر بیلدیرگنلر. ایتیلیشیچه، مذکور ولایتده کوپچیلیگ اشوله چیلر اوز مسلکلرینی ترک قیلماقده. فاریاب هنرمنلر بیرلشمه سینینگ رییسی ویس الدین ساملگه کوره، سونگی بیر ییل ایچیده محلی موسیقه ساحه سیده ایریم چیکلاولر یره تیلگن، بو ایسه قطار آوازلرنی اوز هنری مسلکلرینی ترک قیلیشگه باعث بولگن.
جناب سامل، محل دولت رسمیلریدن مساله اوچون حل یول اویلشلرینی سورهگن. توی مراسملر و ینه کیچه اولتیریشلرده موسیقی چَلینش توسیب قوییلگن لیگی، فاریاب ولایت اهالیسی نینگ هم عکسالعملیگه روپهره بولگن.
عین حالده، فاریاب دین عالملر کینگشی اوز قراریگه تاکیدلب ایتیشیچه، شرعیت نطقه نظرده موسیقه حرام بولگنی سبب سونگی قرارنی صادر قیلگنلر.
فاریاب ولایت کینگشی نینگ اعضالریدن مولوی اسدالله حبیبیگه کوره، موسیقی و آوازخوانلیک قرآنی دلیللرگه موافق نا قانونی دیر. احزاب سورهسی نینگ 5- آیتی و 21 – جزء گه اشاره قیلگن مولوی حبیبی نینگ سوزلریگه قرهگنده، بعضی شخصلر معنی سیز و پوچ سوزلرنی ساتیب آله دیگن کیمسهلردن.
مولوی حبیبی، جمهور مفسرین قولیگه بناً تینگری تعالی نینگ اصلی مقصدی اوشبو آیتده موسیقه و چالغو اسباب دییه بیان قیلهدی. خلق نینگ اوشبو ملی سرمایه سی همده فرهنگی اولیب یاققه سیده توریب جان بیریش عرفهسی چاغیده تورگن.