اسلامی دولت جنگری‌لری عراق‌نینگ ینه بیر شهری‌ده‌گی تاریخی آبده‌لرنی ویران قیلدی.
عراق شمالی هترا شهری‌ده‌گی ایکّی مینگ ییل‌لیک تاریخ‌گه ایگه آبده‌لر و عبادت‌خانه‌لرنی ویران قیلیش اوچون اسلامی جنگری‌لر پارتلتگیچ‌لردن فایده‌لنگن.
موصل شهری‌نینگ 110 کیلو مترلیک شمال غربی‌ده جایلشگن هترا تاریخی آبده سی یونسکو تشکیلاتی رویخطی‌گه کیرگن.
مذکور شهرنینگ ایکّی مینگ ییل‌لیک تاریخ‌گه ایگه عبادت‌خانه‌لری سیاحلرنی جلب ایتیب کیلگن.
بوندن اول «اسلامی دولت» جنگری‌لری عراق شمالی‌ده‌گی نمرود شهری قالدیق‌لرینی بوزه باشله‌گنی خبر قیلینگن‌دی.
6مارچ کونی جنگری‌لر 5 مارچ پیشین نمازی‌دن سونگ نمرود شهری قالدیق‌لرینی بوزه باشله‌گنی خبر قیلینگن‌دی.
نمرود شهری تیگر دریاسی بویی‌ده 3300 ییل آلدین قوریلگن. نمرود شهری قالدیق‌لرینی بوزیش ایش‌لری جنگری‌لر موصل‌ده‌گی قدیمی تاریخی آبده‌لرنی ویران قیلگن‌دن بیر هفته اوتیب عمل‌گه آشیریله‌دی.
